«Ливерпуль» вингери Диоге Жота Чемпионлар Лигаси доирасидаги «Рейнжерс»га қарши баҳсда (7:1) Муҳаммад Салоҳнинг ҳар учала голига ҳам ассистентлик қилди.
Шу тариқа Жота сўнгги 10 йил ичида ҳет-трикка ассистентлик қилган илк футболчига айланди.
Охирги марта 2012 йилда «Бавария» вингери Франк Рибери «Базел»га қарши учрашувда (7:0) Марио Гомесга учта голли узатмани амалга оширганди. Гомес ўйинда покер қайд этганди. Яна бир узатма Ҳолгер Бадштубер ҳисобига ёзилганди.
«Ливерпуль» ортда қолган 4 турдан сўнг очколарини 9 тага етказиб, плей-офф йўлланмасини ҳал қилди.
Изоҳ (0)