“Ливерпуль” бош мураббийи Юрген Клопп Германия терма жамоасини бошқариши мумкин.
Аввалроқ, мерсисайдликлар устози мавсум охирида жамоани тарк этишини маълум қилганди. Яқин бир йил ичида у ҳеч қайси таклифни кўриб чиқмаслигини айтиб ўтган.
Хабарларга кўра, Германия футбол уюшмаси (DFB) Евро—2024 мусобақасидан сўнг Юлиан Нагелсманн терма жамоани тарк этса, унинг ўрнига Клоппни таклиф этмоқчи.
Юрген дам олгунга қадар, Германия терма жамоасини Сандро Вагнер вақтинчалик бошқариб туриши, Ҳаннес Волф эса унинг ёрдамчиси бўлиши белгиланди.
Уюшма Юрген Клопп 2025 йилнинг баҳорида терма жамоани қабул қилиб олиб, 2026 йилги Жаҳон Чемпионатига тайёрлашини хоҳламоқда.
Эслатиб ўтамиз, Юрген 2015 йилдан буён “қизиллар” бош мураббийи сифатида фаолият олиб бормоқда. Унинг қўл остида клуб Чемпионлар Лигаси, АПЛ, клублар ўртасидаги ЖЧ, Англия Кубоги, Англия Лига Кубоги, УЕФА Суперкубоги, Англия Суперкубоги каби совринларни қўлга киритган.
Изоҳ (0)