Юрген Клопп Тухелнинг аҳволига тушиш эҳтимоли ҳақида: Йўқ, «Ливерпуль» хўжайинлари анча хотиржам

«Ливерпуль» бош мураббийи Юрген Клопп ЕЧЛ гуруҳ босқичи 1-турида «Наполи»дан учралган мағлубиятдан сўнг (1:4) ўз фикрларини билдириб ўтди.

Ўйин ҳақида

Ўйинимизни қайтадан қуриш кераклиги кўриниб турибди. «Ливерпуль»га кўп нарса етишмади. Мавсум давомида буни бажаришга тўғри келади. 3 кундан сўнг «Вулверҳэмптон»га қарши ўйин бор. Бу ўйинда ўзимизни яхшироқ кўрсатиш учун режа топишга ҳаракат қилиш лозим.

Бир жамоа бўлиб ишламадик. Бу ерда гап шахсиятлар ҳақида кетмаяпти. Яхши ўйин кўрсата олмадик — бу аниқ-равшан кўриниб турганди. Шу боис мағлуб бўлдик. Бунинг учун жавобгарликни ўз бўйнимга оламан. Менга ўйлаб олиш учун вақт керак. Сабабларни топиш, уларни бартараф этиш ва давом этиш менинг ишим.

«Ливерпуль»ни қандай ўзгартириш мумкинлиги ҳақида

Шубҳасиз, бу қийин давр, аммо яхши ўйин кўрсатмаган тақдирингда ҳам, яхшироқ ҳимояланишинг лозим. Биз ҳимояда сифатли ўйин кўрсатишимиз керак эди.

Йўқ, футболнинг янги услубини ўйлаб топиш шартмас. Шунчаки яхшиланиш лозим. Аввалги ўйинимизни кўрсата олсак, ҳамма хурсанд бўлар эди.

Томас Тухель сингари истеъфога чиқиши мумкинлиги ҳақида

Бундан ташвишланмаяпман. Бизнинг хўжайинлар анча хотиржам, бу вазиятни бошқа биров эмас, айнан мен ҳал қилишимни кутишмоқда.

Юрген Клопп, «Ливерпуль» бош мураббийи