Юрген Клопп Германия терма жамоаси бош мураббийига айланиши мумкин.
BILD нашри журналисти Кристиан Фалкнинг маълум қилишича, Германия терма жамоаси бош мураббийи Юлиан Нагелсманн “Бавария”га ўтиб кетиши мумкин. Ёзда Томас Тухель мюнхенликлар мураббийлик постини тарк этади. Унинг ўрнини эса катта эҳтимол билан Нагелсманн эгаллаши кутилмоқда.
Агар Юлиан Германия футбол уюшмаси (DFB) билан шартномани узайтирмаса, ташкилот 2025 йилда Юрген Клоппни таклиф қилмоқчи. Шу тариқа Клопп терма жамоани ЖЧ—2026 мусобақасига тайёрлаш учун бир йил вақтга эга бўлади.
Юрген дам олгунга қадар, Германия терма жамоасини Сандро Вагнер вақтинчалик бошқариб туриши, Ҳаннес Волф эса унинг ёрдамчиси бўлиши белгиланди.
Эслатиб ўтамиз, Клопп январь ойида “Ливерпуль”ни тарк этишини айтганди.
Юрген 2015 йилдан буён “қизиллар” бош мураббийи сифатида фаолият олиб бормоқда. Унинг қўл остида клуб Чемпионлар Лигаси, АПЛ, клублар ўртасидаги ЖЧ, Англия Кубоги, Англия Лига Кубоги, УЕФА Суперкубоги, Англия Суперкубоги каби совринларни қўлга киритган.
Изоҳ (0)