“Ливерпуль” бош мураббийи Юрген Клопп Лондоннинг “Арсенал” жамоасига қарши ўйинда “Манчестер Юнайтед”ни қўллаб-қувватлаши мумкинлиги ҳақидаги саволга жавоб берди.
“Эҳтимол, қиларман. Агар биз ҳали ҳам чемпионлик учун курашаётган бўлсак, “Манчестер Юнайтед”нинг ғалабаси ажойиб бўларди. Аммо “Арсенал” яхши жамоа. Агар “Манчестер Юнайтед” бизга қарши ўйнагандек ўйнаса, “Арсенал” ғалаба қозонади. Бунга 100% ишончим комил”, — дея Клопп сўзларини келтирган журналист Саймон Стоун ижтимоий тармоқлардаги саҳифасида.
7 апрель куни Англия Премьер Лигасининг 32-тур учрашуви бўлиб ўтди ва унда “Манчестер Юнайтед” ва “Ливерпуль” клублари тўқнаш келишди. Ўйин Манчестердаги “Олд Траффорд” стадионида бўлиб о”тди ва дуранг билан якунланди.
Англия чемпионатининг 31-туридан сўнг “Манчестер Юнайтед” 49 очко жамғариб, олтинчи ўринда бормоқда. Ўз навбатида, худди шундай сондаги ўйинлардан сўнг, “Ливерпуль” 71 очко жамғариб, иккинчи ўринни эгаллаб турибди.
Изоҳ (0)