“Liverpul” va Dortmundning “Borussiya” klublarining sobiq bosh murabbiyi Yurgen Klopp “Germaniya oldidagi xizmatlari uchun” federal ordeni bilan taqdirlandi.
Bild xabariga ko‘ra, ushbu mukofotning taqdimoti 3-oktyabr kuni bo‘lib o‘tadigan Germaniya birligi kuni fonida o‘tkazildi.
Kloppning mukofotiga ilova qilingan yozuvda shunday deyilgan: “Muvaffaqiyat va shon-shuhrat unga hech qachon har bir sportchida, avvalo, insonni ko‘rishga xalaqit bermagan”.
Murabbiyga davlat mukofotini Germaniya Federativ Respublikasi Prezidenti Frank-Valter Shtaynmayer topshirgan.
Ma’lumot uchun, Klopp 2008-yildan 2015-yilgacha “Borussiya” klubini boshqargan. Bu davrda u jamoa bilan ikki marta Germaniya chempioniga aylandi. 2015-yildan 2024-yilgacha Klopp “Liverpul” bilan Chempionlar Ligasi va Premyer Ligada g‘olib chiqqan.
Izoh (0)