АҚШ президенти Жо Байден ва Украина президенти Владимир Зеленский Оқ уйда учрашди. Учрашувда Байден Украинани қўллаб-қувватлаш учун 8 миллиард доллар ажратилишини маълум қилди.
Байден Пентагонга бу маблағни ўз муддати тугагунча ажратишни топширди. У, шунингдек, Украина армиясига ҳарбий техниканинг навбатдаги партияси юборилишини ҳам маълум қилди.
“Мудофаа вазирлиги Хавфсизлик бўйича ёрдам ташаббуси орқали Украинага қўшимча ҳаво мудофаа воситалари, учувчисиз самолётлар ва ҳаводан ерга ўқ-дориларни ўз ичига олган 2,4 миллиард долларлик ёрдамни эълон қилди”, дейилади Оқ уй веб-сайтида.
АҚШ президенти узоқ масофали JSОW ўқ-дорилари, Patriot ҳаво мудофаа тизимлари ва улар учун ўқ-дорилар Украинага етказилишини маълум қилган. У, шунингдек, украиналик учувчиларни F-16 қирувчи самолётларида ўқитиш дастури кенгайтирилишини айтган.
Қўшма Штатлар 25 сентябрь куни Украинага 375 миллион долларлик ҳарбий ёрдам пакети ажратгани хабар қилинган эди, у бомбалар, HIMARS ўқ-дорилари, Javelin ракеталари, МRAP зирҳли машиналари, патрул катерлари, ўқ отиш қуроллари ва танкка қарши қуролларни ўз ичига олган.
Изоҳ (0)