АҚШ президенти Жо Байден Конгрессни Украинага ҳарбий ёрдам учун 60 миллиард доллардан ортиқ маблағ ажратишни маъқуллашга чақирди. У Россия урушда ғалаба қозонса, жанглар НАТО давлатларини ҳам қамраб олишини айтди. Бу ҳақда Оқ уй хабар берди.
У ўз нутқида G7 билан учрашув ўтказгани, унда Украинага ёрдам бериш масаласи муҳокама қилинганини таъкидлади. Улар келажакда Киевни қўллаб-қувватлашга тайёрлигини билдирди.
“Қўшма Штатларда ким бундан воз кечишга тайёр? Мен сизга айтяпман, мен тайёр эмасман ва Америка халқи ҳам шундай деб ўйламайман. Агар Путин Украинани эгаллаб олса, у бу билан тўхтамайди. У давом этади. Агар Путин НАТО иттифоқчисига ҳужум қилса, НАТО аъзоси сифатида биз альянс ҳудудининг ҳар бир қаричини ҳимоя қилишни ўз зиммамизга олганмиз. Шунда биз интилмаётган ва бизда йўқ нарсага эга бўламиз: Америка қўшинлари рус қўшинларига қарши курашади”, — деди сиёсатчи.
Байден мазкур овоз бериш жараёни узоқ вақт эсда қолинишини таъкидлади. У “озодлик йўлидан юз ўгирганларни тарих қаттиқ ҳукм қилишини” таъкидлади.
“Путиннинг ғалаба қозонишига йўл қўя олмаймиз. Такрорлайман: Путиннинг ғалаба қозонишига йўл қўя олмаймиз. Бу бизнинг миллий манфаатларимиз ва барча дўстларимизнинг халқаро манфаатларига тўғри келади. Украинани қўллаб-қувватлашимиздаги ҳар қандай тўсиқ Путиннинг позициясини мустаҳкамлайди”, — деди у.
Изоҳ (0)