Миллиардер Илон Маск Украинадаги уруш туфайли АҚШ ўзининг барча қурол-яроғ захираларини аҳмоқона тарзда камайтирди, деган фикрга қўшилишини маълум қилди.
Аввалроқ бундай фикрни бошқа бир миллиардер Дэвид Сакс Х ижтимоий тармоқдаги саҳифасида ёзиб қолдирганди.
Неоконсерваторлар гўё Американинг кучи чексиздек ҳаракат қилмоқда. Улар ўзаро келишувга эришиш ва устуворликларни белгилашдан бош тортяпти. Натижада, Америка Украинадаги осонликча олдини олиш мумкин бўлган прокси-урушда ўз захираларини аҳмоқона тарзда тугатмоқда, — деб ёзади Сакс.
Илгари Маск АҚШнинг Украинага ёрдами урушнинг боришига таъсир кўрсатмай, фақат мамлакат ёшларини қурбон қилишга сабаб бўлаётганини айтган эди.
Bloomberg агентлиги АҚШ Конгрессига юборилган Пентагон ҳужжатига таяниб, АҚШ Мудофаа вазирлиги Украинага ёрдам кўрсатганидан сўнг устувор вазифа сифатида ўзининг қурол-яроғ захирасини 6,5 миллиард долларга тўлдириши кераклигини хабар қилганди.
Изоҳ (0)