Шимолий Корея ташқи ишлар вазири ўринбосари Им Чонг Ил Американинг янги ёрдами Киев расмийларига фақат вақтинчалик кўмак беради, дея фикр билдирди. Бу ҳақда “РИА Новости” хабар берди.
Дипломатнинг таъкидлашича, АҚШнинг қўшимча ҳарбий ёрдам тўғрисидаги қонун лойиҳаси Владимир Зеленскийнинг қўрқувини вақтинча енгиллаштирадиган психотроп моддадир.
Им Чон Ил, шунингдек, Зеленскийнинг Россияга қаршилик кўрсатишни давом эттириш истаги ҳақидаги баёнотларини “XXI аср Дон Кихотининг” истерияси сифатида баҳоламаслик мумкин эмаслигини қўшимча қилган.
АҚШ Сенати Украинага 60,84 миллиард доллар ҳарбий ёрдам кўрсатиш ҳақидаги қарорни маъқуллаган эди. Мазкур қарор кучга кириши учун президент Жо Байден томонидан имзоланиши керак. Шундан сўнг Украинага ҳарбий ёрдамнинг биринчи партияси бир неча кун ичида етказилади.
Изоҳ (0)