Украинага ёрдам бериш тўғрисидаги қонун АҚШ Конгрессида 9 апрелдан кейин овозга қўйилади, дея таклиф қилмоқда республикачилар. Бу ҳақда BBC хабар берди.
Республикачилар партиясининг икки аъзоси журналистларга АҚШ Конгресси спикери Майк Жонсон Американинг Украинага ёрдами тўғрисидаги қонун лойиҳасини 9 апрелдан кейин овозга қўйиш ниятида эканлигини маълум қилган.
Яна бир республикачи, Нью-Йорк вакили Майк Лоулернинг CNN телеканалига айтишича, Жонсон уни қонун лойиҳаси тез орада кўриб чиқилишига ишонтирган.
Мен у билан бевосита гаплашдим. Суҳбатнинг тафсилотларини очиқламайман, лекин ишончим комилки, Жонсон қонунни муҳокамага тортади, — деди Конгресс аъзоси.
Америка ОАВга кўра, Конгресс Украинага ёрдамни қандай шаклда тасдиқлаши ҳали аниқ эмас.
АҚШ томонидан Украина, Исроил ва Тайванга умумий қиймати 95 миллиард долларлик ёрдам кўрсатиш тўғрисидаги қонун лойиҳаси аллақачон Сенат томонидан маъқулланган, бироқ у собиқ президент Дональд Трамп тарафдорлари ва уларнинг тайинланган спикери Майк Жонсоннинг позицияси туфайли Вакиллар палатасида тўсиб қўйилган.
Украина ва Ғарб расмийлари АҚШ ҳарбий ёрдамининг кечикиши Украинанинг жанг майдонидаги позициясига аллақачон зарар етказаётганини тан олган.
Изоҳ (0)