АҚШ Украинага 300 миллион долларлик янги ҳарбий ёрдам пакетини юборишини маълум қилди. Бу ҳақда президент Жо Байден маъмуриятига таяниб, Reuters хабар берди.
АҚШнинг Миллий хавфсизлик бўйича маслаҳатчиси Жейк Салливаннинг айтишича, маблағлар юқори ҳаракатланувчи артиллерия ракета тизимлари учун артиллерия снарядлари ва ўқ-дориларни сотиб олишга сарфланади.
Бу Украинанинг уруш эҳтиёжларини қондириш учун етарли даражада эмас, — дея Салливан ўқ-дорилар Украина учун фақат бир неча ҳафтага етишини қўшимча қилган.
Пентагон матбуот котиби генерал майор Пат Райдернинг айтишича, ёрдам пакетига зенит-ракеталар ва артиллерия ўқлари киритилган. Унинг сўзларига кўра, Украинага Пентагон келишуви орқали қурол етказиб бериш Киевни молиялаштиришнинг барқарор усули эмас, балки бир марталик ҳолат бўлиши мумкин.
АҚШ расмийлари 2022 йилда Россиянинг музлатилган қарийб 285 миллиард долларлик активларини мусодара қилиш ва бу пулни Украина армияси учун ишлатиш вариантларини ҳам кўриб чиққан.
Изоҳ (0)