Украина президенти Владимир Зеленский Европа Иттифоқи ва Америка Қўшма Штатлари Украинага 2024 йилга мўлжалланган молиявий ёрдам пакетларини маъқуллашига умид билдирди, бироқ бу аниқ қачон амалга ошиши номаълумлигича қолмоқда.
Зеленский Украина молиявий ёрдам олиш учун “жуда қаттиқ” ишлаётганини таъкидлади.
“Ишончим комилки, Қўшма Штатлар бизга хиёнат қилмайди, АҚШ билан келишиб олган нарсамиз тўлиқ амалга оширилади”, — деди у.
Зеленский Европа Иттифоқи ҳақида гапирар экан, ўтган ҳафта саммитида “битта ғалабага эришгани”, яъни Иттифоққа қўшилиш бўйича музокаралар бошлаш маъқулланганини эслади.
Хабарингиз бор, Европа Иттифоқи 2024 йилнинг 1 февралида навбатдан ташқари саммит ўтказади ва унда Украинага тўрт йиллик муддатга 50 миллиард евро миқдорида қўшимча ёрдам ажратиш масаласини муҳокама қилишни режалаштирмоқда.
Изоҳ (0)