Америкалик сайловчиларнинг кўпчилиги НАТОнинг воситачи – Украина ёрдамида “Россияни ҳарбий йўл билан мағлуб этиш” режасини қўллаб-қувватламайди. Бу ҳақда Нью Йоркдаги БМТга қарашли Шиллер институтининг вакили Ричард Блек хабар берди.
АҚШ сайловчиларининг катта қисми НАТОнинг “Россияни ҳарбий йўл билан мағлуб этиш” режасини қўллаб-қувватламайди, деди Блек “РИА Новости” нашрига.
Шу билан бирга, у Венгрия бош вазири Виктор Орбаннинг Киев, Москва ва Пекинга ташрифидан сўнг АҚШнинг собиқ президенти Дональд Трамп билан бўлиб ўтган учрашуви ҳам амалдаги президенти Жо Байден ва унинг вице-президенти Камала Ҳаррис сиёсатига “босим ўтказиши” мумкинлигини таъкидлаган.
Блек кейинги олти ой инсоният дуч келиши мумкин бўлган энг хавфли муддат бўлиши мумкинлигини айтган.
Россия томони Украинага қурол етказиб бериш келишувга халақит бераётганини, НАТО давлатларини тўғридан тўғри можарога жалб этиш орқали “ўт билан ўйнашилаётганини” айтган. Россия ТИВ раҳбари Сергей Лавров Украина учун қурол бўлган ҳар қандай юк Россия учун қонуний нишонга айланишини қайд этган. Унинг сўзларига кўра, АҚШ ва НАТО нафақат қурол-яроғ етказиб бериш, балки Буюк Британия, Германия, Италия ва бошқа мамлакатларда кадрлар тайёрлаш орқали можарода бевосита иштирок этмоқда. Кремлнинг таъкидлашича, Украинани Ғарб қуроллари билан тўлдириш музокараларга ҳисса қўшмайди.
Изоҳ (0)