“Daryo”da Qashqadaryo viloyatida MIB va uning mansabdorlari, “Agrobank”, shuningdek, bankning viloyatdagi masʼullari bilan sudlashib yurgan tadbirkor-fermer qamoqqa olingani haqida xabar berilgandi. Viloyat prokuraturasi fermerning ozod qilinganini maʼlum qildi.
Nishon tumanidagi “S.N.” fermer xo‘jaligi rahbari B.A. va “I.N.” fermer xo‘jaligi rahbari Sh.Sh.ga nisbatan 2024-yilning 11-oktyabr kuni Jinoyat kodeksining 167-moddasi 2-qismi “a” bandi bilan jinoyat ishi qo‘zg‘atilgan. Jinoyat ishi qo‘zg‘atilishiga “S.N.” fermer xo‘jaligi rahbari B.A. ATB “Agrobank” Nishon filiali bilan tuzilgan kredit shartnomasiga asosan paxta xom-ashyosi yetishtirish maqsadida ajratilgan 371 million so‘mlik imtiyozli kredit mablag‘larining 162 million so‘mini talon-toroj qilganligi sabab bo‘lgan. Ish bo‘yicha 29-oktyabr kuni B.A.ga ayblov eʼlon qilinib, “qamoqqa olish” tarzidagi ehtiyot chorasini qo‘llash haqida JIB Nishon tumani sudiga iltimosnoma kiritilgan, deyiladi viloyat prokuraturasi axborotida.
Taʼkidlanishicha, ayblanuvchi B.A. tomonidan yetkazilgan zarar to‘liq qoplanganligi sababli u 31-oktyabr kuni sud tomonidan munosib xulq-atvorda bo‘lish haqidagi tilxat ehtiyot chorasi bilan ozod qilingan. Dastlabki tergov harakatlari davom ettirilmoqda.
Izoh (0)