8-aprelning e’tiborga molik yangiliklari — “Daryo” dayjestida.
8-aprel kuni soat 11:32 da Termizning “Do‘stlik” mahallasidagi Alisher Navoiy ko‘chasida joylashgan ko‘p qavatli 10-uyning yerto‘lasida portlash yuz berdi. Oqibatda ikki kishi halok bo‘ldi.
Halok bo‘lganlar — Termiz fuqarosi R.Abdurahmonov (1958-yilda tug‘ilgan) va Angor tumani fuqarosi R.Imomaliyev (1962-yilda tug‘ilgan).
Keyinroq Bosh prokuratura Termizdagi portlash yuzasidan axborot berdi.
***
Samarqanddagi “paxta ishi”: Prokuror 8 yil qamoq jazosi so‘ragan direktorni sudya nega ozodlikka chiqarib yubordi?
Jinoyat ishlari bo‘yicha Samarqand viloyat sudining 2018-yilning 25-oktabr kuni bo‘lib o‘tgan sud hukmining bayonnomasi va tergov hujjatlarida 2017-yilning paxta hosili mavsumida “Yangiqo‘rg‘on paxta tozalash” aksiyadorlik jamiyati direktori To‘xtamurod Elmurodov mansabdor shaxs bo‘la turib, o‘z mansab mavqeidan foydalanib, uni suiste’mol qilish natijasida 2017-yilgi paxta mavsumi davomida fermer xo‘jaliklari yetishtirgan paxta xomashyosini o‘zlashtirish va rastata yo‘li bilan talon-taroj qilinganligi qayd etilgan.
***
O‘zbekistonda dollarning rasmiy kursi qariyb 31 so‘mga qimmatlashdi.
2019-yilning 9-aprelidan:
1 AQSh dollari — 8451.37 (+31.75) so‘m.
1 yevro - 9477.37 (+33.08) so‘m.
1 Rossiya rubli 129,37 (+1,23) so‘mni tashkil etdi.
***
Islom Karimov qaysi kitoblarni sevib o‘qigan?
O‘zbekiston Birinchi Prezidenti Islom Karimovning rafiqasi Tatyana Karimova bloger Xushnudbek Xudoyberdiyevga Islom Karimovning sevimli kitoblari ro‘yxatini taqdim etdi.
***
Ravon Rossiyada yana avtomobil sota boshlaydi.
O‘zbekiston yaqin orada Rossiyaga Ravon rusumidagi avtomobillarni sotishni qayta yo‘lga qo‘yadi. Birinchidan, 2019-yilning mart oyida Rosstandart bazasida Ravon R2 rusumidagi transport vositasi ma’qullangani bilan bog‘liq ma’lumot paydo bo‘lgan, ikkinchidan, Belarusda bunday savdolar allaqachon boshlangan.
Izoh (0)