Xadicha Sulaymonova nomidagi Respublika sud ekspertiza markazida faoliyat yurituvchi sud ekspertlariga voqea sodir bo‘lgan joyga chiqib obyektlarni tezkorlik bilan ko‘zdan kechirish maqsadida maxsus navbatchi avtotransport vositasidan foydalanish yo‘lga qo‘yildi. Bu haqda Adliya vazirligi axborot xizmati xabar bermoqda.
Mazkur avtotransport vositasidan ish uchun ahamiyatli ashyoviy dalillarni qidirish, aniqlash, olish va tadqiqotlarni olib borish ta’minlashda foydalaniladi.
Unda asosan sud-avtotexnika ekspertizasi, yong‘in texnik ekspertizasi, sud qurilish texnikaviy ekspertizasi, sud-trasologik ekspertizasi hamda odam DNKsi sud-biologik ekspertizasi bo‘yicha voqea joyiga chiqishda qo‘llaniladi.
Endilikda ushbu maxsus avtotransport vositasi ekspertiza tadqiqotlarini o‘tkazish uchun mo‘ljallangan zamonaviy uskunalar bilan jihozlangan bo‘lib, ekspertlarga voqea joyida turli xil obyektlarni o‘rganish bilan birgalikda xulosalarni rasmiylashtirishga ham imkon beradi.
Izoh (0)