Germaniya iqtisodiyot vaziri vazifasini bajaruvchi Robert Xabek agar Yevropa birlashsa, AQSH prezidenti Donald Tramp bosim ostida taslim bo‘lishi va o‘zining tarif siyosatini o‘zgartirishini bildirdi. Bu haqda CNBC xabar bermoqda.
“Men Donald Trampning bosim ostida taslim bo‘lishini, o‘z bayonotlarini o‘zgartirishini ko‘ryapman, lekin buning mantiqiy natijasi shuki, u ham bosimni his qilishi kerak”, dedi u matbuot anjumanida.
Xabek, Oq uy rahbariga Yevropa davlatlari boshqa mamlakatlar bilan ittifoqda bo‘lib bosim o‘tkazishi kerakligini qo‘shimcha qilgan.
“Trampning o‘z fikrlarida qat’iy turib olishiga yo‘l qo‘yish yoki uni yumshatishga urinish hech qanday sharoitda ham muvaffaqiyatli strategiya bo‘lmaydi va javob ‘qat’iyat kuni’ bo‘lishi kerakligini ta’kidladi. Shunda kim kuchli ekanini ko‘ramiz…”, deb ta’kidlagan vazir.
Vazirning aytishicha, strategik maqsad bojlar va savdo urushidan qochish bo‘lishi kerak, ammo masala shundaki, bunga qanday erishish mumkin.
Shuningdek, Xabek Yevropani yanada mustaqil bo‘lish uchun strategik investitsiyalar kiritishga, masalan, bulutli infratuzilmani takomillashtirish, sun’iy intellekt va kosmik imkoniyatlarni kengaytirishga chaqirdi.
AQSH prezidenti Donald Tramp boshqa mamlakatlardan importga o‘zaro bojlar joriy etilishini e’lon qildi. Asosiy minimal stavka o‘n foizni tashkil etadi, ammo har bir mamlakat uchun tarif moslashtiriladi va Amerika tovarlarini import qiluvchi kompaniyalardan undiriladigan to‘lovning yarmiga teng bo‘ladi.
Siyosatchining fikricha, bu Qo‘shma Shtatlarning iqtisodiy mustaqilligi deklaratsiyasi bo‘ladi va davlat qarzini to‘lash uchun katta mablag‘lardan foydalanishga yordam beradi. Yevropa Ittifoqi mamlakatlaridan importga nisbatan bojxona boji 20 foizni tashkil etadi.
Izoh (0)