Ayshvariya Ray birinchi o‘rinda emas: Bollivudning eng badavlat aktrisasi kim?

Bollivud — bu dunyodagi eng yirik kinoindustriyalardan biri bo‘lib, aktrisalar faqatgina filmlarda suratga tushish emas, balki reklama shartnomalari orqali ham katta miqdorda pul ishlashadi. Quyida Bollivuddagi eng boy aktrisalarning reytingini keltirib o‘tamiz.

12. Aliya Bxat

Boyligi: 4,6 million dollar

Bollivudning yosh yulduzi Aliya Bxat “Yo‘l”, “Qimmatli hayot” va “Razi” filmlaridagi rollari bilan tomoshabinlarning qalbini zabt etdi. Uning bir film uchun gonorari 720 000 dollardan 960 000 dollargacha. Aktyorlikdan tashqari, Aliya o‘z musiqiy isteʼdodi bilan ham mashhur bo‘lib, filmlar uchun qo‘shiqlar yozib chiqaradi.

11. Karishma Kapur

Boyligi: 8,7 million dollar

90-yillar yulduzi Karishma Kapur Bollivuddagi eng mashhur aktrisalardan biri bo‘lib qolmoqda. U kamdan-kam suratga tushsa ham, kinoindustriyaga qo‘shgan hissasi katta. Karishma bir film uchun 960 000 dollardan 1,2 million dollargacha pul ishlab topadi va uning umumiy boyligi 8,7 million dollarni tashkil etadi.

10. Sonam Kapur

Boyligi: 11,4 million dollar

Uslub belgisi sifatida tanilgan Sonam Kapur “Nirdja” va “Veer Di Uedding” filmlari bilan mashhurlikka erishdi. Uning daromadi LʼOreal va Oppo kabi yirik brendlar bilan hamkorlik qilish orqali ham to‘ldiriladi. U bir film uchun 840 000 dollardan 1,2 million dollargacha pul oladi.

9. Kangana Ranaut

Boyligi: 11,4 million dollar

Kangana Ranaut “Malika” va “Manikarnika” filmlaridagi rollari bilan shuhrat qozondi. U Vero Moda brendi bilan hamkorlikda kiyim-kechak liniyasini chiqarib, o‘z biznesini faol rivojlantirib boradi. Uning bir film uchun gonorari 1,08 million dollardan 1,26 million dollargacha.

8. Vidya Balan

Boyligi: 13,2 million dollar

Milliy kino mukofoti sohibi Vidya Balan “Kir surat” va “Hikoya” filmlaridagi rollari bilan tomoshabinlarni maftun etdi. Uning boyligi 13,2 million dollarni tashkil etadi va bir film uchun gonorari 960 000 dollar.

7. Kajol

Boyligi: 17 million dollar

Bollivudning eng sevimli aktrisalardan biri bo‘lgan Kajol “O‘g‘irlanmagan kelin” va “Gohi shodlik, gohi g‘am” filmlaridagi rollari bilan mashhur. Uning boyligi 17 million dollarni tashkil etadi va bir film uchun gonorari 600 000 dollardan 840 000 dollargacha.

6. Priyanka Chopra

Boyligi: 21,9 million dollar

“Dunyo go‘zali” bo‘lib tanilgan Priyanka Chopra nafaqat Bollivudda va Gollivudda ham muvaffaqiyatga erishgan. Uning filmlar, seriallar va reklama shartnomalaridan olgan daromadi 21,9 million dollarni tashkil etadi va bir film uchun gonorari 1,56 million dollar.

5. Anushka Sharma

Boyligi: 26,6 million dollar

Anushka Sharma Bollivuddagi eng muvaffaqiyatli aktrisa va prodyuserlardan biri. Uning boyligi 26,6 million dollarga baholanadi va bir film uchun gonorari 840 000 dollardan 960 000 dollargacha.

4. Ayshvariya Ray

Boyligi: 30,8 million dollar

1994-yilda “Dunyo go‘zali” deb topilgan Ayshvariya Ray jahon miqyosida go‘zallik timsoliga aylangan. Uning “Devdas” va “Jodxa va Akbar” filmlaridagi rollari shuhratini yanada oshirdi. U bir film uchun 720 000 dollar ishlab topadi va uning umumiy boyligi 30,8 million dollarni tashkil qiladi.

3. Katrina Kaif

Boyligi: 50 million dollar

“Bollivud Barbisi” deb ataladigan Katrina Kaif “Yo‘lbars tirik” va “Don” filmlari orqali katta muvaffaqiyatga erishdi. Uning boyligi 50 million dollarni tashkil etadi va bir film uchun gonorari 1,38 million dollar.

2. Karina Kapur

Boyligi: 52,6 million dollar

“Bollivud Begoyimi” Karina Kapur “Ko‘rishaylik” va “Veer Di Uedding” filmlaridagi rollari bilan mashhur. Uning bir film uchun gonorari 1,38 million dollar, umumiy boyligi esa 52,6 million dollar.

1. Dipika Padukone

Boyligi: 57 million dollar

Dipika Padukon Bollivuddagi eng boy aktrisalar reytingini boshqaradi. U “Om Shanti Om” filmi bilan faoliyatini boshladi va shu kungacha “Padmavati” va “Piku” kabi ko‘plab xit filmlarda suratga tushdi. U bir film uchun 1,68 million dollar oladi va uning hozirgi boyligi 57 million dollar.