Bollivud olami doimo go‘zal raqslari, otashin muhabbat qissalari va betakror qo‘shiqlari bilan bizlarni o‘ziga rom etib kelgan. Ko‘plab hind aktyor va aktrisalari sahnada go‘zal juftlik obrazlarini mohirona ijro etishga muvaffaq bo‘lishadi. 2024-yilda ham hind kino sanoati bizga ko‘plab yangi filmlarni taqdim etdi.
“Harbiy samolyot”
Film rejissyor Siddhart Anand tomonidan yaratilgan jangovar triller bo‘lib, unda Dipika Padukone, Ritik Roshan va Anil Kapur bosh rollarni ijro etgan.
Shrinagar vodiysidagi jangarilar ishi orqaga keta boshlaganda, aviatsiya shtabi “Samo ajdaholari” nomli yangi elita bo‘linmasini tashkil qiladi. Qahramonlar ko‘plab jang va kurashlarni boshidan o‘tkazishga hamda millat uchun jonini fido qilishga tayyor bo‘ladi. Harbiylar orasida eng katta tajribaga ega harbiy — uchuvchi Shamsher Pataniya (Roshan) va vertolyot uchuvchisi Minal Rathor (Padukone) bor.
Ular hind armiyasini yo‘q qilishni maqsad qilgan Azhar Axtar ismli terrorchiga qarshi kurashadi va ikkisi o‘rtasida sevgi uchquni paydo bo‘ladi. Aktyor Anil Kapur guruh kapitani Rakesh Jay Singh rolini ijro etgan.
“Jangchi”
Mazkur film rejissyorlari Sagar Ambre va Pushkar Ojxa bo‘lib, unda bosh rollarni Siddhart Malxotra, Rashi Xanna va Disha Patanilar ijro etadi.
Maxsus harbiy Arun Katyal (Siddhart Malxotra) unga yuklatilgan muhim topshiriqni bajara olmagani tufayli xizmatdan chetlashtiriladi. Ma’lum vaqt o‘tib u o‘g‘irlab ketilgan samolyot bortida sirli tarzda paydo bo‘ladi. Shu vaqtda tomoshabinda savol tug‘iladi: qahramon xoinmi yoki vatanparvar? Aktrisa Disha Patani garovga olingan styuardessa rolini o‘ynaydi.
Film tomoshabinlarni mohir jangovor kadrlari: osmondan sakrab bajarilgan tryuklar, samolyot ichidagi harbiy jangler bilan hayratga soladi.
“Sheriklar”
Hind tilidagi jangovar triller va drama rejissyori Ali Abbos Zafardir. Unda bosh rollarni Akshay Kumar, Tayger Shroff, Alayya F, Sonakshi Sinha, Prithviraj Sukumaran ijro etgan. Shuningdek, unda “Dunyo go‘zali-2017” tanlovi g‘olibasi Manushi Chhillar ham ishtirok etgan.
Shimoliy Himolay yo‘lidagi harbiy otishma paytida harbiylarga tegishli kuchli qurol o‘g‘irlab ketiladi. Kaoitan Misha rolini ijro etgan Manushi Chxillar bu voqea haqida birinchi bo‘lib xabar topadi va polkovnik Odil va Karan Shergilga xabar beradi. Bunday muhim maxfiy missiyaning muvaffaqiyatsizlikka uchrashi hind razvedkasi uchun katta muammo bo‘ladi. Qurolni qaytarish uchun avvalroq buyruqqa bo‘ysunmagani uchun ishdan bo‘shatilgan ikki kishini xizmatga chaqirishga qaror qilinadi. Ushbu ikki qahramon — Firoz (Akshay Kumar) va Rakesh (Tayger Shroff) vatanni himoya qilish va qurolni qaytarish uchun yo‘lga otlanadi.
“Janob Mahi va Mahi xonim”
Film rejissyor Sharan Sharma tomonidan suratga olingan kriket haqidagi dramadir. Unda Rajkumar Rao, Janvi Kapur, Zarina Vahab, Kumud Mishra, Rajesh Sharma va boshqalar ishtirok etgan.
Filmda Mahendra (Rajkumar Rao) va Mahima (Janvi Kapur) haqida hikoya qilinadi. Ular Janob Mahi va Mahi xonim sifatida ham tanilgan kriket o‘yinchilari bo‘ladi. Er-xotin kriketni shunchalik yaxshi ko‘radiki, hatto nikoh kechasida ham ular o‘tirib Hindiston va Avstraliya o‘rtasidagi kriket o‘yinini tomosha qilishadi. va Hindiston — Avstraliya o'yinini tomosha qiling. Mahima aslida tibbiy xodim bo‘ladi. U kasalxonadagi ishini tashlab, tribunaga chiqish haqidagi bolalikdagi orzusini amalga oshiradi. Uning turmush o‘rtog‘i Mahendra esa kriketda omadsizlikka uchraydi va rafiqasining shaxsiy murabbiyiga aylanadi.
Izoh (0)