Andijon viloyatining Oltinko‘l tumanida 8 yoshli ikki bola hovuzda cho‘kib, vafot etdi.
Bosh prokuratura matbuot kotibi Hayot Shamsutdinovning “Daryo”ga ma’lum qilishicha, voyaga yetmagan bolalar shu tumanda yashovchi sinfdoshlar A.U. va M.M bo‘lgan. Ular 5-iyul kuni soat 14:00 larda Turkiston massivida joylashgan fermer xo‘jaligiga qarashli tomchilab sug‘orish tizimi uchun qazilgan hovuzga cho‘milish uchun tushgan va ikkisi ham suvda cho‘kib, hodisa joyida vafot etgan.
Ayni vaqtda tergovga qadar tekshiruv harakatlari olib borilmoqda.
May oyining oxirlarida Samarqand viloyatining Paxtachi tumanida ikki nafar o‘quvchi hovuzda cho‘kib, vafot etgandi. Farg‘onada uch nafar voyaga yetmagan bola sun’iy suv havzasiga cho‘kib ketgandi. Toshkentning Bo‘rijar kanaliga tushib ketgan qizni qutqargan erkakning o‘zi halok bo‘lgandi.
Izoh (0)