Rossiyaning “Ursa Mayor” savdo kemasi O‘rta Yer dengizida Ispaniya va Jazoir o‘rtasidagi xalqaro suvlarda halokatga uchradi. Bu haqda La Verdad va El Español nashrlari xabar berdi.
Ma’lum qilishicha, 23-dekabr kuni kunduzi kema bortidagi mashina bo‘limida portlash yuz bergan. Shundan so‘ng kema falokat haqida signal yuborgan. Qutqaruv operatsiyasiga Rossiya harbiy kemasi rahbarlik qilgan. Ekipajning ikki a’zosi bedarak yo‘qolgan, 14 nafar a’zosi esa qutqarilib, Kartaxena portiga olib kelingan.
“Ursa Mayor” kapitani kemada halokat paytida bo‘sh bo‘lgan konteynerlar tashilganini ma’lum qildi. U 11-dekabr kuni Sankt-Peterburg portidan jo‘nab, 22-yanvar kuni yetib borishi rejalashtirilgan Vladivostokka yo‘l olgan. “Oboronlogistika” kompaniyasi ma’lumotlariga ko‘ra, u yerga har biri 380 tonna og‘irlikdagi port kranlarini yetkazib berishi lozim edi.
“Mediazona” xabar berishicha, ushbu yuk tashuvchi kema uzoq yillar davomida Suriyadagi Rossiya harbiy guruhini ta’minlash uchun yuklar tashigan. Mutaxassislar fikricha, O‘rta yer dengizidagi beshta kemaning barchasi Rossiyaning Tartus va Xmeymimdagi harbiy bazalarini evakuatsiya qilish uchun mo‘ljallangan bo‘lishi ehtimoli bor.
Izoh (0)