Kongo Demokratik Respublikasida 271 nafar yo‘lovchi bo‘lgan kema cho‘kib ketdi. Bu haqda mamlakat ichki ishlar, xavfsizlik va an’anaviy huquqiy masalalar vaziri Jakman Shabani ma’lum qildi.
Kamida 271 kishi bo‘lgan HB la Saintet kemasi mamlakat shimolidagi Bolobo tumanidagi Lediba qishlog‘i yaqinida cho‘kkan. U Mushie shahridan Kinshasaga ketayotgan bo‘lgan. Hukumat voqea joyiga tergov guruhi va qutqaruvchilarni yuborgan.
Vazirning so‘zlariga ko‘ra, HB la Saintet bortida bo‘lgan odamlarning taqdiri noma’lum. Hodisa Kongoning irmog‘i Kva daryosida yuz bergan.
13-iyun kuni Kongo Demokratik Respublikasida yo‘lovchilar qayig‘i ag‘darilib ketishi oqibatida 80 kishi halok bo‘lgandi. Qayiq ko‘p sonli yo‘lovchilarni ko‘tara olmay, daryoga ag‘darilib ketgan.
Izoh (0)