Qozog‘istonda yog‘ingarchilik tufayli salkam 500 bosh qo‘y cho‘kib ketdi

Yomg‘ir va suv toshqinlaridan keyin Jambil viloyatidagi dehqon xo‘jaliklaridan birida 500 bosh qo‘y nobud bo‘ldi. Bu haqda Tengrinews xabar berdi.

Shuskiy viloyatining tog‘li hududlarida bir necha kun avval yomg‘ir yog‘gan. Keyin suv toshqini boshlanib, “Intimak” fermer xo‘jaligini suv bosgan. O‘sha paytda u yerda 1,6 mingdan ortiq chorva mollari bo‘lgan. Egasi hisobiga ko‘ra, 484 bosh qo‘y cho‘kib ketgan. Ularning katta qismini oqim bir necha kilometrga olib ketgan.

Mahalliy hukumat barcha o‘lik hayvonlar topilsa, yo‘qotishlarni qoplashga va’da bermoqda, deyiladi xabarda.

Maxsus komissiya tuzilgan va nobud bo‘lgan chorva mollari qiymati hisoblanmoqda. Hozirgi vaqtda 197 bosh chorva mollari o‘lik holda topildi. Qolganlarini qidirish ishlari davom etmoqda, bu esa zarar ko‘rgan xo‘jalikka kompensatsiya olish imkonini beradi.