Mashhur bo‘lish — shunchaki o‘zingizga g‘amxo‘rlik qilish uchun sabab emas. Quyidagi yulduzlar esa dunyoni yaxshiroq joyga aylantirish qanchalik muhimligini tushunishadi.
Lionel Messi
2020-yilda futbolchi 12 nafar muxlisiga yaxshiroq ko‘rishga yordam beradigan “aqlli” ko‘zoynak sovg‘a qilgan. Har bir qurilma unga 4000 dollarga tushgan. O‘shandan beri Messi har yili bu xayriya aksiyasini takrorlashga va’da bergan.
Beyonse
Qo‘shiqchi Renaissance turnesi davomida Londondagi Nigeriya oshxonasi bo‘lgan Chuku’s restoranini moliyaviy inqirozdan qutqarib qoladi. O‘sha paytda restoran moliyaviy qiyinchiliklarga uchragandi — Beyonse jamg‘armasidan xarajatlar uchun 10 ming dollar ajratadi.
Aytgancha, Beyonse ushbu turne doirasida faqat bitta restoranni emas, balki 10 ta tashkilotni moliyaviy qo‘llab-quvvatlaydi.
Dueyn Jonson
UFC jangchisi Temba Gorimbo Zimbabvedagi kichkina bir qishloqda tug‘ilgan. Muvaffaqiyatli jangdan so‘ng u vataniga suv nasosi sotib olish uchun hamma narsasini sotadi. Dueyn Jonson bu xabarni eshitgach, qattiq ta’sirlanadi.
“Sen bu pullarni mashina yoki uy sotib olishga sarflashing mumkin edi, ammo unday qilmading. Sen o‘z xalqingga g‘amxo‘rlik qilding va bu sening asl shaxsingni ko‘rsatadi. Shuning uchun men senga yuzma-yuz qarab, seni qo‘llab-quvvatlashimni aytish uchun bu yerga uchib keldim”, deydi u.
Aktyor Tembaga uy olib beradi. Jangchi endi shu paytgacha tunab yurgan sport zalidan o‘z uyiga ko‘chib o‘tadi.
Dreyk
Dreyk konsertlarida muxlislariga nafaqat ajoyib taassurotlar, balki qimmatbaho sovg‘alar ham ulashadi. Bir safar u muxlisga 50 ming dollar, boshqasiga esa asl Birkin sumkasini hadya etadi. Biroq bu hech narsa emas, reper bir juftlikka Bagama orollariga sayohat uchun yo‘llanma sovg‘a qiladi.
Ular shouga “Konsert uchun asal oyimizdan voz kechdik” degan yozuvli plakat ko‘tarib keldi. Bugun men Atlantadaman va hammaning mehrini his qilyapman. Dunyodagi eng sevimli joylarimdan biri Terks va Kaykos degan joy bor. Sizlarni asal oyi uchun o‘sha yerga jo‘nataman, dedi u.
U bu gaplarni to‘g‘ridan to‘g‘ri sahnadan turib aytadi.
Jennifer Garner
Aktrisa ko‘pincha xayriya jamg‘armalari orqali odamlarga yordam beradi, ammo kichik yaxshiliklardan ham tortinmaydi. Bir kuni Jennifer Garner uysiz kishiga kundalik ehtiyoj buyumlari to‘ldirilgan paket olib keladi, hatto unga o‘zining krossovkasini kiydirmoqchi bo‘ladi, lekin poyabzal kichiklik qiladi.
“Oyoq o‘lchamingiz qanday? Poyabzalingizni menga soting. Unga oyoq kiyim kerak”, deya yordam so‘raydi Jennifer paparatssini ko‘rib qolib.
Fotograf krossovkasini uysiz kishiga beradi, hatto mashinasidan adyol ham olib keladi. Garnerning yonida hatto paparatssilar ham yaxshi odamlarga aylanadi.
Izoh (0)