Zamonaviy kino olamida nafaqat aktyorlik mahorati bilan, balki loyihaga prodyuser sifatida sarmoya kiritish orqali ham kadrga tushish mumkin. Kino sanoati vakillarining so‘zlariga ko‘ra, pay-to-play yaʼni o‘ynamoqchi bo‘lsang, to‘la tizimi rasmiy variantga aylangan. Baʼzilar esa shunchaki kimoshdi savdosida katta pul evaziga kinodan rol sotib olishadi. Mashhur shaxslardan kimlar bu imkoniyatlardan foydalanganini bilib oling.
Peris Hilton: kadrdagi malika
Ko‘p millionli boylikning merosxo‘ri Peris Hilton o‘nlab loyihalarda rol o‘ynagan, ammo barcha rollar ham tanqidchilar va tomoshabinlar tomonidan ijobiy baholanmagan. “Mumli figuralar uyi” komediyasida Perisning paydo bo‘lishi ko‘plab bahs-munozaralarga sabab bo‘ldi. Mish-mishlarga ko‘ra, Hiltonning filmdagi ishtiroki uning aktyorlik mahoratini emas, balki pul va nomini taʼminlagan. Shunga qaramay, kino afishalarida aynan Paris nomi borligi uchun lenta yaxshi daromad keltirdi.
Lindsi Lohan: prodyuserlik orqali yo‘l
Bir qator janjallardan so‘ng, “Ota-onalar uchun tuzoq” va “Yomon qizlar” filmlaridagi rollari bilan tanilgan Lindsi Lohanning karyerasida pasayish kuzatildi. Safga qaytish uchun u o‘zi suratga tushgan loyihalarga pul tikishga va shu tariqa o‘zini rollar bilan taʼminlashga qaror qildi. Lindsi “Kanyonlar” va “Unutilmas Rojdestvo” filmlariga prodyuserlik qilgan hamda o‘zi rol ijro etgan.
Kim Kardashyan: mashhur ismidan foydalangan
Realiti-shou yulduzi ham chetda qolmadi. Uning film va seriallardagi ishtiroki har doim ham kastinglardan o‘tish natijasida erishilmagan. Kim “Amerika qo‘rqinchli hikoyasi” serialining 12-mavsumida paydo bo‘ldi va o‘zining aktyorlik faoliyati tufayli tanqidga uchradi. Kardashyan o‘z intervyusida ushbu dahshatli antologiyaning katta muxlisi ekanligini va suratga olishda ishtirok etishni orzu qilishini tez-tez taʼkidlagan, bu esa yulduzning, aynan shu filmda epizodik rolda tasodifan paydo bo‘lmagani haqida mish-mishlarni keltirib chiqargan.
Nikol Richi: familiya huquqi bo‘yicha rollar
Afsonaviy musiqachi Layonel Richining qizi hech qachon kastingda navbatda turmagan. Nikol Richining karyerasi mashhur “Oddiy hayot” realiti-shousida ishtirok etish bilan boshlangan, u loyihaga taniqli familiya va erka merosxo‘r obrazi tufayli taklif qilingan. Nikol va Peris Hilton — oddiy odamlarning kundalik hayotiga duch keladigan ikki badavlat dugona rolida o‘ynashdi. Bu shou uning televideniye olamiga kirishiga yo‘l ochdi va Richiga Gollivudda hech qanday qiyinchiliksiz mustahkam o‘rnashib olish imkonini berdi.
Tommi Vayso: o‘ziga o‘zi Gollivud
“Xona” afsonaviy dramasi “pulini to‘la va o‘yna” yondashuvining eng yorqin namunalaridan biridir. Tommi Vayso nafaqat bosh rolni ijro etdi, balki ssenariy yozdi, o‘zi filmini suratga oldi va loyihani to‘liq moliyalashtirdi. Mish-mishlarga ko‘ra, byudjet taxminan 6 million dollarni tashkil etgan — bu pullarning manbasi haligacha sir bo‘lib qolmoqda. Kino prokatdagi muvaffaqiyatsizlik va kamsituvchi sharhlarga qaramay, “Xona” kult maqomiga ega bo‘ldi va Vayso tresh-madaniyat yulduziga aylandi.
Pavel Durov: sovg‘a qilingan rol
Milliarder va Telegram asoschisi Pavel Durov bu borada yanada ilgariladi. U rolni shunchaki sotib olmadi balki uni sevgilisi Yuliya Vavilovaga sovg‘a qildi. Kann festivalining xayriya oqshomida Durov 400 ming dollarga Spayk Lining yangi filmidagi epizodni sotib oldi. Suratga olish hali boshlanmagan, ammo Vavilovaning ismi allaqachon tabloidlar sarlavhalarida jaranglamoqda.
Izoh (0)