Mashhur inson bo‘lish hissini boshdan kechirish siz o‘ylagandek qiyin emas. Masalan, sevimli yulduzingiz ishlatadigan atirdan foydalansangiz kifoya. Ushbu maqolada qaysi xushbo‘y hidlar Kim Kardashyanning yuragini zabt etgani, Selena Gomes va Beyonse har kuni qanday atir ishlatishini bilib olasiz.
Jennifer Lopez
Jennifer Lopez — atir ishqibozi sifatida tanilgan san’atkor. U atirlarni shunchalik yaxshi ko‘radiki, 1998-yildayoq o‘z brendi ostida bir nechta kompozitsiyalarni taqdim etgan. Qolaversa, u har kuni aynan o‘zining shu atirlaridan foydalanadi. Uning eng sevimli aromatlari — Glow va Promise by J.Lo. ekanini Birdie jurnaliga bergan intervyusida aytgan.
Kim Kardashyan
Kim Kardashyan Tom Ford’ning Black Orchid atirini shunchalik yaxshi ko‘radiki, har doim aynan shu hidga ega atirni tanlaydi. Bu parfyumeriya suvi qora trufel, qora orkide, qora olcha, rom absolyuti va patchuli notalari bilan mashhur va jozibali uyg‘unlikka ega.
Selena Gomes
Selena Gomezning Rare Beauty brendi o‘zining parfum spreyi ishlab chiqaradi, hatto 2011-yilda u o‘z nomi ostida atir ham chiqargan. Ammo mashhur san’atkor qalbida yillar davomida yagona sevimli aroma saqlanib qolgan. Bu Marc Jacobs’ning Daisy atiri, nafis ifor bilan ajralib turadi.
Kayli Jenner
Yulduz katta atir kolleksiyasiga ega bo‘lishiga, hatto bir necha javonlarni atir bilan to‘ldirgan bo‘lsa ham ijtimoiy tarmoqlarida eng ko‘p foydalanadigan atiri haqida aytgan. Bu Mon Guerlain brendining nafis ifori. Mazkur fransuz brendi yaratgan aroma lavanda, yasmin, vanil va santal hidlari bilan ajralib turadi.
Rita Ora
Harper’s Bazaar uchun tayyorlangan “Sumkam ichida nima bor?” roligida Rita Ora sevimli atiri haqida gapirib, u Chloe Atelier des Fleurs brendidan Magnolia Alba ekanini aytgan. Brend saytida yozilishicha, bu aromada sitrus va gullarning xushbo‘y hidlari birlashgan. Atir kunlik foydalanish uchun mo‘ljalangan tetiklantiruvchi va betakror hidga ega.
Klaudiya Shiffer
2017-yilda chiqqan Burberry’ning Garden Roses atiri Klaudiya Shifferga juda yoqdi. Model bu atirni shu darajada sevib qolgan ediki, kuniga bir necha marta qayta-qayta separ edi. Shu sababli, brendning kreativ direktori Rikardo Tishi hatto uning initsiallarini atir shishasiga tushirishga qaror qilgan.
Beyonse
Beyonse Londonda Renaissance tur konserti paytida chiqishdan so‘ng darhol Harrods go‘zallik markaziga yo‘l olgan va o‘zining sevimli buyumlaridan bir nechtasini xarid qilgan. Ular orasida uning sevimli atiri Angels’ Share by Kilian bo‘lgan.
Qirolicha Kamilla
Gollivud yulduzi bo‘lmasa ham, mashhurlik erishgan shaxs qirolicha Kamilla yillar davomida Robert Piguet brendining Bandit nomli atiridan foydalanib kelgan. Public jurnaliga ko‘ra, bu atir ilk bor 1944-yilda yaratilgan bo‘lib, tarkibida gullar aralashmasi bo‘lganligi tufayli ko‘plab muxlislarning qalbidan joy olgan. Hatto Britaniya qirolichasining ham.
Izoh (0)