Shunday aktrisalar borki, ularga qarab beixtiyor mo‘jizalarga ishonging keladi. Go‘yo ular yoshlik eliksirini topganday. Quyida sevimli Gollivud yulduzlarimizga yana bir bor hayrat bilan nazar solishga va ularning qanday o‘zgarganini taqqoslashga qaror qildik.
Sheron Stoun 36, 55 va 66 yoshida
Sheron Stoun chiroyi bilan Gollivudni hayratga soldi va 90-yillarning super yulduziga aylandi. Keyinchalik u nafaqat jozibador ayol, balki kuchli xarakterga ega iste’dodli dramatik aktrisa ekanligini barchaga isbotladi.
Pamela Anderson 27, 42 va 57 yoshida
90-yillarda “Malibu qutqaruvchilari” serialidagi mallasoch qiz go‘zalligi bilan hammani lol qoldirgan edi. Biroq vaqt o‘tishi bilan Pamela shunchaki chiroyli tashqi ko‘rinishdan ko‘ra ko‘proq narsaga qodirligini isbotladi. Hozirda u kinolarda suratga tushmoqda va hayvonlar huquqlari uchun kurashmoqda. Shuningdek, tabiiy qarish jarayonini ko‘rsatgan holda pardoz-andozdan voz kechib, ko‘pchilikka ilhom bermoqda.
Dayan Kiton 26, 57 va 76 yoshda
Dayan Kiton “Anni Xoll” filmidagi unutilmas roli uchun “Oskar” mukofotini qo‘lga kiritdi hamda “Cho‘qintirgan ota” trilogiyasida ham rol ijro etdi. Yangi ming yillikda u romantik komediya janrida ulkan muvaffaqiyatga erishdi va “Qoidalar bo‘yicha va qoidasiz sevgi” nomli mashhur filmda suratga tushdi.
Meril Strip 37, 62 va 74 yoshida
70-yillarning oxirida “Kiyik ovchisi” va “Kramer Kramerga qarshi” filmlaridagi rollari bilan u bir zumda o‘z avlodining yetakchi aktrisalaridan biriga aylanib, birinchi “Oskar” mukofotini qo‘lga kiritdi. Faol suratga tushishni davom ettirib, u “Qattiqqo‘l xonim” va “Mamma Mia!” filmlari orqali maftun etdi. Keyinchalik esa “Temir xonim” filmidagi ajoyib ijrosi uchun uchinchi “Oskar”ini qo‘lga kiritib, tarixdagi eng ko‘p mukofotlangan aktrisa maqomiga erishdi.
Helen Mirren 30, 57 va 78 yoshda
U “Qirolicha” filmidagi qirolicha Yelizaveta II roli bilan shuhrat qozondi va “Oskar” mukofotiga sazovor bo‘ldi.
Keti Beyts 42, 63 va 75 yoshida
Keti “Mizeri” trilleridagi rolini ajoyib ijro etgani uchun “Oskar”ga sazovor bo‘ldi. 90-yillarda u “Titanik” filmida suratga tushdi. Hozirda aktrisa “Amerika dahshatlari tarixi” serialida shunday mahorat bilan o‘ynamoqdaki, bu unga “Emmi” mukofotini qo‘lga kiritish imkonini berdi.
Juliya Roberts 23, 44 va 56 yoshda
Ko‘pchilik Juliya Robertsni 1990-yilda “Sohibjamol” filmi orqali tanigan. Shu filmdan so‘ng u Gollivudning romantik komediyalar malikasiga aylandi. 2000-yillarda esa u “Erin Brokovich” filmi uchun “Oskar” mukofotini qo‘lga kiritib, o‘zining dramatik iste’dodini namoyon eti.
Sandra Bullok 28, 49 va 57 yoshda
Sandra Bullok 90-yillarda “Buzg‘unchi”, so‘ngra “Tezlik” filmidan so‘ng shuhrat qozondi. U komediya va dramalar orasida muvozanatni saqlab, Gollivudning eng sevimli aktrisalaridan biriga aylandi.
Julianna Mur 35, 49 va 63 yoshda
Julianna Mur “Bugi uslubidagi kechalar” filmi uchun ilk bor “Oskar” mukofotiga nomzod bo‘ldi. Keyinchalik “Jannatdan uzoqda” va “Inson farzandi” kabi filmlarda bir qator murakkab dramatik rollarni ijro etdi. Karyerasining cho‘qqisida “Hamon Elis” filmidagi roli uchun uzoq kutilgan “Oskar” mukofotini qo‘lga kiritdi.
Izoh (0)