Shakarsiz Coca-Cola ichimligini iste’mol qilish infarkt va insultga chalinish ehtimolini oshiradi. Bu haqda tibbiyot fanlari doktori Elvira Xachirova so‘zlab berdi.
“Bu past kaloriyali, shakar o‘rnini bosuvchi eritritdir. Eritritning xavfi shundaki, u qon tarkibida trombotsitlar faolligi oshirishiga olib keladi, bu esa o‘z navbatida tromb hosil bo‘lishi uchun qulay sharoit yaratadi. Shu sababli, shaxsiy xavf omillarini hisobga olish va Coca-Cola’ni hatto kam shakarli bo‘lsa ham, haddan tashqari ko‘p iste’mol qilmaslik tavsiya etiladi”, deydi mutaxassis.
Shifokor, shuningdek, yurak-qon tomir tizimiga salbiy ta’sir ko‘rsatadigan bir qator ichimliklarni sanab o‘tdi.
“Spirtli ichimliklar shular jumlasidandir. Bunday ichimliklarni ko‘p miqdorda iste’mol qilish ayniqsa qon bosimining oshishiga va yurak-qon tomir kasalliklari rivojlanish xavfining kuchayishiga olib kelishi mumkin. Shu o‘rinda, energetik ichimliklar ham xavflidir. Ushbu ichimliklardagi kofein va boshqa stimulyatorlarning yuqori miqdori yurak urishini tezlashtirib, turli kasalliklarni keltirib chiqarishi mumkin”, deydi shifokor.
Bundan tashqari, qahvani me’yoridan ortiq iste’mol qilish, ayniqsa kofeinga ta’sirchan odamlarda, qon tomirlari va yurakka salbiy ta’sir ko‘rsatishi mumkin. Mutaxassis tez-tez suv ichishni hamda gazsiz ichimliklarni, jumladan shakar qo‘shilmagan choy, meva va sabzavot sharbatlarini ratsionga kiritishni tavsiya qildi.
Izoh (0)