Rossiya bosh vaziri Mixail Mishustin Shvetsiya bilan yadroviy qurilmalar haqida ma’lumot almashish kelishuvini bekor qiluvchi qaror imzoladi. Bu haqda Anadolu xabar berdi.
“Rossiya Federatsiyasining xalqaro shartnomalari to‘g‘risida”gi Federal qonunning 37-moddasi 1-bandiga muvofiq, 1988-yil 13-yanvarda Stokgolm shahrida imzolangan Sovet Sotsialistik Respublikalari Ittifoqi hukumati va Shvetsiya hukumati o‘rtasida yadroviy avariya haqida tezkor xabar berish va yadroviy qurilmalar to‘g‘risida ma’lumot almashish to‘g‘risidagi bitim bekor qilinsin”, deyiladi hujjatda.
Rossiya Tashqi ishlar vazirligiga qabul qilingan qaror haqida Shvetsiyani xabardor qilish topshirilgan. Rossiya va Shvetsiya bir yilda kamida bir marta o‘z yadroviy inshootlarining ishlashi to‘g‘risida bir-biriga ma’lumot berishga va kerak bo‘lganda qo‘shma maslahatlashuv o‘tkazishga kelishib olgan.
Oldinroq Rossiyaning NATO davlatlariga qarshi ehtimoliy hujum boshlashi haqida xabar berilgan edi. Unga ko‘ra, Rossiya Yevropa harbiy bazalari va muhim infratuzilmalariga, jumladan, yirik shaharlardagi nishonlarga zarba berishi mumkin. Aytilishicha ehtimoliy nishonlar orasida Germaniya, Polsha, Shvetsiya va Finlyandiya kabi davlat mavjud.
Izoh (0)