Rossiya futbol terma jamoasi 8-oktabr, payshanba kuni Moskvada Shvetsiyaga qarshi o‘rtoqlik o‘yini o‘tkazdi.
Uchrashuvda aralash tarkib bilan qatnashgan rossiyaliklar kichik hisobda imkoniyatni boy berdi. Bahsning 21-daqiqasida Aleksander Isak shvedlarni oldinga olib chiqdi.
72-daqiqada Mattias Yohansson mehmonlarning ikkinchi golini urdi. Hakam tomonidan qo‘shib berilgan vaqtda Aleksandr Sobolyev hisobni qisqartirishga muvaffaq bo‘ldi.
Rossiya terma jamoasi oktabr oyidagi keyingi ikkita o‘yinni Millatlar Ligasi doirasida Turkiya (11-oktabr) va Vengriyaga (14-oktabr) qarshi o‘tkazadi. Shvedlar 11-oktabrda Xorvatiyaga qarshi o‘yin o‘tkazsa, 14-oktabrda Portugaliya bilan o‘ynaydi.
O‘rtoqlik uchrashuvi
8-oktabr, payshanba
Rossiya — Shvetsiya 1:2
Gollar: 0:1 – 21 Isak, 0:2 – 72 Yohansson, 1:2 – 90+1 Sobolyev.Rossiya: Janayev, Fernandes (Cherishev, 61), Kudryashov, Karavayev, Jirkov, Gazinskiy (Kuzyayev, 74), Mostovoy (Ionov, 61), Miranchuk (Bakayev, 74), Ozdoyev (Zobnin, 46), Kutepov, Dzyuba (Sobolyev, 46).
Shvetsiya: Yunsson, Kraft (Yohansson, 46), Starfelt, Bengtsson (Olsson, 72), Holmen, Sema (Klasson, 77), Svensson, Svanberg, Larsson (Olsson, 46), Isak (Kvayson, 64), Larsson.
Ogohlantirishlar: Kuzyayev (85), Olsson (90).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)