Shvetsiya rasmiylari “Shimoliy oqim” tizimidagi gaz quvurlarida sodir bo‘lgan portlashlar bo‘yicha tergovning dastlabki natijalarini Rossiya bilan baham ko‘rmaydi. Shvetsiya bosh vaziri Magdalena Andersson tergov natijalari maxfiy ekanini aytdi, deb yozadi Meduza.
O‘tgan hafta Rossiya Shvetsiyaga tergov natijalarini bo‘lishish talabi bilan maktub yo‘llagan edi. Shvetsiya bosh vazirining so‘zlariga ko‘ra, hukumat Rossiya maktubiga javob berish ustida ishlamoqda.
“Bu bizning hududimizda emas, Shvetsiyaning iqtisodiy zonasida sodir bo‘ldi, shuning uchun bu bizning mamlakatimizga qilingan hujum emas. Lekin bu jiddiy masala, ayniqsa keskin xavfsizlik siyosati fonida. Afsuski, boshqa shunga o‘xshash hodisalarga ham tayyor turishimiz zarur”, — dedi Magdalena Andersson.
6-oktabr kuni Shvetsiya politsiyasi “Shimoliy oqim-1” va “Shimoliy oqim-2” gaz quvurlarida sentabr oxirida yuz bergan sizib chiqishlar bo‘yicha tergovning borishi haqida hisobot e’lon qilgan edi. Politsiya quvurlarda portlashlar bo‘lganini tasdiqlagan.
Izoh (0)