Ko‘pchilik yoqimli hidning faqat atirdan emas, balki kundalik kiyimlarni to‘g‘ri tanlash, gigiyena va ovqatlanishdan ham kelib chiqishini tushunmaydi. Hatto eng zamonaviy ko‘rinish ham, agar odamdan yoqimsiz hid kelsa, o‘z jozibasini yo‘qotadi.
Ko‘k choy mikroblarga qarshi kurashadi
Og‘izdan keluvchi yoqimsiz hid asosan og‘iz bo‘shlig‘idagi bakteriyalar bilan bog‘liq. Ko‘k choy o‘zining antibakterial xususiyatlari tufayli mikroblarga qarshi kurashadi. U tarkibida yoqimsiz hidlarni keltirib chiqaruvchi bakteriyalarga qarshi kurashuvchi polifenollar mavjud. Bundan tashqari, ko‘k va qora choy tarkibidagi taninlar oyoqlarni quruq saqlashga yordam berib, yoqimsiz hid paydo bo‘lishining oldini oladi.
Shuningdek, ko‘k choyni muntazam ravishda iste’mol qilish stressni kamaytirishga yordam beradi, bu esa o‘z navbatida haddan tashqari terlash ehtimolini pasaytiradi.
Poyabzal uchun sprey yoqimsiz hidga qarshi kurashda samarali yechim hisoblanadi
Yoqimsiz hid oyoqdagi terni parchalovchi terida mavjud bo‘lgan bakteriyalar tufayli paydo bo‘ladi. Yana bir muammo — oyoqlarning yetarli darajada shamollatilmasligi. Poyabzal spreyi — oyoq ko‘p terlasa ham, yoqimli hidni saqlab qolishga yordam beradigan oddiy va samarali yechimdir. Hatto oyoqlaringizda tabiiy yoqimsiz hid bo‘lmasa ham, poyabzal materiali va terli teri o‘rtasidagi o‘zaro ta’sir yoqimsiz hid keltirib chiqarishi mumkin.
Kir yuvish vositasi kiyimlarning havo o‘tkazuvchanligiga to‘sqinlik qiladi
Ba’zan yoqimsiz hid tanadan emas, balki kiyimlardan keladi. Shuning uchun terlagan kiyimlarni teskari ag‘darib yuvish kerak — shunda kir yuvish kukuni yoqimsiz hidli moddalarga yaxshiroq ta’sir ko‘rsatadi. Agar kiyimlar juda yomon hid taratsa, ularni yuvishdan oldin sirka eritmasiga botirish kifoya.
Ammo kir yumshatgichdan voz kechgan ma’qul. U matoni yupqa qatlam bilan qoplaydiki, bu havo aylanishiga to‘sqinlik qiladi. Buning natijasida inson ko‘proq terlaydi va yoqimsiz hid chiqaruvchi bakteriyalar tezroq ko‘payadi.
Antibakterial sovun tabiiy muvozanatni buzishi mumkin
Dushda qanchalik yuvunmaylik, terida ma’lum bakteriyalar saqlanib qoladi. Bu uncha yomon emas, chunki aynan shu mikrobiom atrofdagilar jozibali deb topadigan tabiiy hidni hosil qiladi. Shuning uchun antibakterial sovundan haddan tashqari ko‘p foydalanmaslik kerak.
Bu kosmetik vosita tabiiy muvozanatni buzib, foydali mikroorganizmlarni yo‘q qilishi mumkin, ularning o‘rnini esa zararli bakteriyalar egallaydi. Bu esa o‘z navbatida yoqimsiz hid paydo bo‘lishiga olib keladi. Yaxshisi, yumshoq va mayin tozalovchi vosita tanlagan ma’qul.
Taroqqa atir sepish kimyoviy ta’sirni yumshatadi
Atirni sochga emas, taroqqa seping. Atirni to‘g‘ridan-to‘g‘ri sochga sepish ildizlarga zarar yetkazishi va sochlarni quruq qilib qo‘yishi mumkin. Buning o‘rniga uni taroqqa seping — bu atir konsentratsiyasini pasaytiradi va kimyoviy ta’sirni yumshatadi, ayni paytda yoqimli, nozik hid qoldiradi.
Bakteriyalar nam muhitda tez paydo bo‘ladi
Suv muolajalaridan keyin butun tanani toza sochiq bilan yaxshilab artib quritish lozim, ayniqsa ter to‘planadigan joylarga alohida e’tibor qaratish kerak. Yoqimsiz hid paydo bo‘lishiga sabab bo‘ladigan bakteriyalar aynan nam muhitda tezroq ko‘payadi, shuning uchun ho‘l tanaga kiyim kiymaslik kerak.
Qahva o‘ziga xos tana hidining paydo bo‘lishini kuchaytirishi yoki aksincha, uni yutib yuborishi mumkin
Ertalabki qahva quvvat bersa-da, u ter bezlarining faoliyatini ham kuchaytiradi. Kofein markaziy asab tizimini qo‘zg‘atib, adrenalin ajralishiga sabab bo‘ladi. Bu esa ayrim ter bezlarini faollashtiradi va natijada tanada o‘ziga xos hid paydo bo‘lishiga olib keladi.
Boshqa tomondan, qahva qoldig‘i hidlarni o‘ziga singdirish xususiyati bilan tanilgan. Xushbo‘yligi tufayli qo‘llaringizga ishqalasangiz, baliq, sarimsoq yoki piyoz kabi hidlarni ketkazishi mumkin. Bundan tashqari, qahva quyqasini tana uchun skrab sifatida ishlatish mumkin: u teri yuzasidagi o‘lik hujayralarni tozalashga yordam beradi hamda yoqimsiz hidni kamaytirgan holda tanani tetiklashtiradi.
Izoh (0)