So‘nggi kunlarda O‘zbekiston hududi yoz uchun juda qulay harorat fonida nam havo massalari ta’siri ostida bo‘ldi, 13-iyundan boshlab esa janubdan quruq va biroz issiq havo kirib kelishi boshlanadi, deb xabar bermoqda “O‘zgidromet”.
Prognozlarga ko‘ra, asosan, kam bulutli ob-havo kuzatiladi va havo harorati asta-sekin ko‘tariladi. Juma kuni kunduzi harorat 33-35 daraja bo‘ladi, dam olish kunlari 36-38 darajagacha, shimolda, janubda va cho‘l hududlarida esa 40-42 darajagacha ko‘tariladi.
Respublika bo‘yicha ba’zi joylarda shamol tezligi 13-18 metr/sekundgacha kuchayishi, ayrim joylarda chang-to‘zon bilan kuzatilishi mumkin.
Ayrim tog‘li hududlarda qisqa muddatli yomg‘ir yog‘adi, momaqaldiroq kuzatiladi. Tog‘oldi va tog‘li hududlarda sel-suv toshqini hodisalari yuzaga kelishi mumkin.
Toshkentda asosan kam bulutli ob-havo bo‘ladi, yog‘ingarchilik kutilmaydi. Harorat juma kuni kunduzi 35 daraja atrofida, dam olish kunlari 36-38 daraja bo‘ladi.
Sanitariya-epidemiologik osoyishtalik va jamoat salomatligi qo‘mitasi yozning jaziramasida qanday kiyinish kerakligi bo‘yicha bir necha tavsiyalar bergandi.
Izoh (0)