Anjelina Joli bilan ajrashganidan deyarli o‘n yil o‘tgach, Bred Pitt nihoyat ajralishning asl sababini oshkor qildi. Aktyorning so‘zlariga ko‘ra, oiladan ketish qaroriga spirtli ichimliklarga qaramlik va keyinchalik u bilan kurashish taʼsir qilgan.
61 yoshli aktyor Bred Pitt mashhur Armchair Expert podkastining mehmoni bo‘ldi va Anjelina Joli bilan ajrashishiga aynan nima sabab bo‘lgani va bo‘ydoqlikka qaytganidan keyingi hayoti qanday bo‘lgani haqida gapirib berdi.
Shunday qilib, Pitt spirtli ichimliklarga qaramlikdan aziyat chekkanini va zararli qaramlikdan xalos bo‘lish uchun anonim alkogolizm klubiga yozilishga majbur bo‘lganini tan oldi. Bunday dasturlar Amerikada juda mashhur: ular guruh uchrashuvlari shaklida o‘tkaziladi, ularning ishtirokchilari anonimlikni saqlaydi, o‘zlarining qaramligi va unga qarshi kurashish tafsilotlari bilan ochiqchasiga o‘rtoqlashadi va shu bilan ularga yordam beradigan boshqa qaramlar va murabbiylardan yordam oladi.
Anonim alkogoliklarning yig‘ilishlariga Bred Pitt ajrashganidan bir yarim yil o‘tib borishni boshladi va uning so‘zlariga ko‘ra, bu tajriba unga nafaqat o‘zini shaxs sifatida, balki umuman hayotga yangicha qarashga yordam berdi.
Pitt “atrofdagi odamlarning qanchalik ochiqligini” ko‘rib, o‘zini “ilhomlanganday” his qilganini aytdi.
Menga bu shunchaki hayratlanarli tuyuldi: erkaklar o‘z tajribalari, kamchiliklari, xatolari, istaklari, dardlari bilan o‘rtoqlashadi va, shu bilan birga, ko‘p hazillashadi va kuladi, dedi aktyor.
Pitt, shuningdek, boshqa giyohvandlar bilan guruhda muloqot qilish unga erkaklar o‘z muammolari haqida tortinmasdan ovoz chiqarib gapirishi mumkinligini tushunishga yordam berganini aytdi — bungacha u ham, uning atrofidagilar ham har doim o‘zlarining zaif tomonlarini yashirib, “hammasi aʼlo” deyishga harakat qilgan.
O‘zinining spirtli ichimliklarga qaramligi haqida Bred Pitt birinchi marta 2019-yilda gapirgan. O‘shanda aktyor intervyularidan birida muxlislarini hayratda qoldirib, “o‘ziga nima berilsa, shuni isteʼmol qilganini” aytgan, shuningdek, ichkilikka ruju qo‘ygani oilasi bilan munosabatlariga salbiy taʼsir ko‘rsatgani va hatto qo‘l ko‘tarishga “turtki” berganiga ishora qilgan.
Bu faktni Joli 2016-yilda ajrashish paytida bergan sud hujjatlari ham tasdiqladi — ularda Pitt unga va ularning bolalariga qo‘l ko‘targani aytilgan. Rasmiy ravishda nikoh faqat 2019-yilda bekor qilindi: aktyorning so‘zlariga ko‘ra, u bolalari bilan haligacha muloqot qilmaydi va ular bilan aloqani tiklashga urinishlar hech qanday natija bermadi.
Izoh (0)