Mashhur ota-onalar soyasida yashash har kimda har xil kechadi. Kimdir ota-onasining mashhurligidan foydalanib hayotini yo‘lga qo‘yadi, boshqalar esa ataylab omma e’tiboridan chetda bo‘lishni afzal ko‘radi. Ba’zilari bolaligidan sahnada, kameralar oldida ulg‘aygan bo‘lsa, baʼzilar o‘qish, sport yoki boshqa sohalarni tanlagan. Ushbu maqolada Bred Pitt va Anjelina Joli, Madonna, Beyonse kabi yulduzlarning farzandlari haqida hikoya qilinadi.
Bred Pitt va Anjelina Jolining farzandlari
Anjelina Joli va Bred Pitt 6 nafar farzandning ota-onasi hisoblanadi. Ularning uchtasi o‘z farzandlari, yana uchtasi esa asrab olingan. Katta farzandi Meddoksni Anjelina Bred Pitt bilan turmush qurishidan oldin asrab olgan, keyinchalik esa Bred uning rasmiy vasiysiga aylangan. Meddoks va Bred “Jahon urushi Z” filmida birga rol o‘ynashgan. Meddoks keyinchalik Anjelina Joli tomonidan suratga olingan “Avval ular otamni o‘ldirishdi” filmida ijrochi prodyuser bo‘ldi. Biroq Meddoks aktyorlikka qiziqmaydi, hozirda u Anjelina Jolining prodyuserlik loyihalarini boshqaradi va bundan keyin ham shu sohada faoliyat yuritmoqchi.
Shaylo Nuvel o‘spirinlik davrida tashqi ko‘rinishi bilan tajriba o‘tkazdi — ba’zida libosda, ba’zida esa androgina uslubda, qisqa sochlar va sport kiyimlarida ko‘rinardi. Anjelina Joli har doim qizining har qanday tanlovini qo‘llab-quvvatlashini aytgan. Hozirda Shaylo raqs bilan shug‘ullanadi, aktyorlikka intilmaydi va kamdan kam jamoat oldida ko‘rinadi.
Meddoks va Shaylodan tashqari, bu mashhur juftlikda yana to‘rt farzand bor: Paks, Zahara va egizaklar Noks hamda Vivyen. Paks suratga olishga qiziqadi va san’at bilan shug‘ullanadi. Zahara kollejga o‘qishga kirgan va xayriya ishlarida faol. Egizaklar kamdan kam omma oldida ko‘rinadi. Yaqinda Vivyen onasi bilan birga Brodveyda “Shafqatsizlar” spektaklida prodyuser yordamchisi sifatida qatnashgan. Anjelina Joli qizinining teatrga qiziqishini aytgan, lekin u sahna ortida qolishni afzal ko‘radi.
Beyonse va Jay-Z farzandlari: musiqiy debyutlar, mukofotlar va kamera ortidagi hayot
Beyonse va Jay-Z uch farzand tarbiyalamoqda. Ammo ularning katta qizi Blu Ayvi bolalikdan e’tibor markazida bo‘lgan. U 13 yoshida onasi va otasi bilan birga qo‘shiqlar yozdirgan, sakkizta klipda suratga tushgan va 2023-yilda “Qirol sher” multfilmida Kiara qirolichasiga ovoz bergan.
Blu Ayvining ijodi e’tibordan chetda qolmadi. U BET va NAACP Image Awards kabi bir qancha musiqiy mukofotlarga sazovor bo‘ldi. OAV baholariga ko‘ra, uning boyligi milliard dollarga yaqin. Bu asosan musiqa huquqlari, reklama shartnomalari va ota-onalari nomiga ro‘yxatga olingan pullar hisobiga.
Blu Ayvi sahnada o‘zini ishonchli his qiladi, omma oldida chiqish qilishga tayyor va tadbirlarda katta yoshdagilarga xos obrazlarda paydo bo‘lgani uchun tanqidlarga ham duch kelmoqda. Lekin Beyonse bir necha bor qizining mustaqilligi va san’atkorligini maqtagan, uni kuchli qiz deb atagan.
Beyonse va Jay-Zʼning Rumi va Sirni ismli 6 yoshdagi egizaklari ham bor. Ular opa-singlisidan farqli o‘laroq, omma oldida deyarli ko‘rinmaydi. Ota-onalari ularni jurnalistlar e’tiboridan himoya qiladi va hayot tafsilotlarini oshkor qilmaslikka harakat qiladi.
Bekhemlar vorislari
Devid va Viktoriya Bekhemning to‘rtta farzandi bor: Ularning o‘g‘illari Bruklin, Romeo, Kruz hamda qizi Harper. Farzandlarining barchasi bolalikdan omma e’tiborida bo‘lgan, lekin har biri o‘z yo‘lini tanlagan. Biri sportga qiziqadi, yana biri san’atga, boshqasi esa kamroq ko‘zga ko‘rinishni afzal ko‘radi.
Eng katta o‘g‘li Bruklin Bekhem ota-onasining izidan bormagan, balki futbol va modellikda o‘zini sinab ko‘rgan. U yoshligidan suratga olishga qiziqib, 17 yoshida Burberry uchun reklama kampaniyasini tasvirga olgan. Keyinchalik kutilmaganda oshpazlikka o‘tib, “Bruklin bilan pishiramiz” ko‘rsatuvini boshlagan. Tanqidga qaramay, Bruklin taslim bo‘lmagan. U 2025-yilda avtomobil sporti sohasini sinab ko‘rdi va hozirda mashg‘ulot olib borib, jarayonni ijtimoiy tarmoqlarda bo‘lishmoqda.
Ikkinchi o‘g‘li Romeo esa ota izidan ketgan. U futbol bilan shug‘ullangan va Inter Miami klubiga shartnoma imzolagan, lekin keyin modellikka ko‘proq e’tibor qaratgan. Kichik o‘g‘li Kruz esa yoshligidan musiqa bilan shug‘ullanadi. U qo‘shiq kuylaydi va yozadi. Jumladan, 2016-yilda chiqqan If Every Day Was Christmas qo‘shig‘i bor. Hozir Kruz studiyada ishlayapti, ovoz mashqlari bilan shug‘ullanmoqda. Viktoriyaning so‘zlariga ko‘ra, u musiqa sohasida karyera qurishni orzu qiladi.
Qizi Harper hozircha ommaviy e’tibordan chetda yashaydi. Ota-onasi uni ortiqcha e’tibordan himoya qilishga harakat qilmoqda, ammo u oilaviy tadbirlarda qatnashadi va onasi bilan birga moda ko‘rgazmalariga boradi. Harper ijodiy muhitda o‘smoqda, lekin hozircha o‘z qiziqishlari haqida ommaga gapirmaydi.
Madonnaning farzandlari
Madonna olti nafar farzandning onasi. Lurdes va Rokko — Madonnaning biologik farzandlari, Devid, Mersi Jeyms hamda egizaklar Stella va Ester asrab olingan farzandlari. Xonanda ona bo‘lish karyeradan muhimroq ekanligini aytadi. U farzandlarini qattiqqo‘llik bilan tarbiyalagan, lekin har doim ularning shaxsiy fikrlarini qo‘llab-quvvatlagan.
Katta qizi Lurdes — model va xonanda. U moda ko‘rgazmalarida ishtirok etadi, provokatsion kompaniyalarda suratga tushadi. 2022-yilda Lurdes sahnadagi ismi Lolahol ostida birinchi qo‘shig‘i Lock&Key’ni chiqardi. U san’atkor sifatida rivojlanishda davom etmoqda.
Madonna va Gay Richining o‘g‘li Rokko o‘smirlik davrida ko‘p janjal qilgan, shuning uchun onasi bilan munosabatlari murakkab bo‘lgan. Ota-onasi ajrashgach, u otasi bilan Londonga ko‘chib ketgan va bir necha yil davomida Madonna bilan deyarli muloqot qilmagan. Hozir Rokko muvaffaqiyatli rassom va omma e’tiboridan chetda qolishga harakat qiladi.
Asrab olingan farzandlari ham o‘z yo‘llarini tanlagan. Devid Banda futbol bilan shug‘ullanadi, “Benfika” akademiyasida mashq qiladi va doimiy ravishda modaga qiziqadi. Mersi Jeyms nufuzli maktabda o‘qiydi va shifokor bo‘lishni istaydi. Egizaklar Stella va Ester raqs va san’atga qiziqadi, Madonna ularning chiqishlarini ijtimoiy tarmoqlarda muntazam e’lon qiladi.
Izoh (0)