Анжелина Жоли билан ажрашганидан деярли ўн йил ўтгач, Бред Питт ниҳоят ажралишнинг асл сабабини ошкор қилди. Актёрнинг сўзларига кўра, оиладан кетиш қарорига спиртли ичимликларга қарамлик ва кейинчалик у билан курашиш таъсир қилган.
61 ёшли актёр Бред Питт машҳур Armchair Expert подкастининг меҳмони бўлди ва Анжелина Жоли билан ажрашишига айнан нима сабаб бўлгани ва бўйдоқликка қайтганидан кейинги ҳаёти қандай бўлгани ҳақида гапириб берди.
Шундай қилиб, Питт спиртли ичимликларга қарамликдан азият чекканини ва зарарли қарамликдан халос бўлиш учун аноним алкоголизм клубига ёзилишга мажбур бўлганини тан олди. Бундай дастурлар Америкада жуда машҳур: улар гуруҳ учрашувлари шаклида ўтказилади, уларнинг иштирокчилари анонимликни сақлайди, ўзларининг қарамлиги ва унга қарши курашиш тафсилотлари билан очиқчасига ўртоқлашади ва шу билан уларга ёрдам берадиган бошқа қарамлар ва мураббийлардан ёрдам олади.
Аноним алкоголикларнинг йиғилишларига Бред Питт ажрашганидан бир ярим йил ўтиб боришни бошлади ва унинг сўзларига кўра, бу тажриба унга нафақат ўзини шахс сифатида, балки умуман ҳаётга янгича қарашга ёрдам берди.
Питт “атрофдаги одамларнинг қанчалик очиқлигини” кўриб, ўзини “илҳомлангандай” ҳис қилганини айтди.
Менга бу шунчаки ҳайратланарли туюлди: эркаклар ўз тажрибалари, камчиликлари, хатолари, истаклари, дардлари билан ўртоқлашади ва, шу билан бирга, кўп ҳазиллашади ва кулади, деди актёр.
Питт, шунингдек, бошқа гиёҳвандлар билан гуруҳда мулоқот қилиш унга эркаклар ўз муаммолари ҳақида тортинмасдан овоз чиқариб гапириши мумкинлигини тушунишга ёрдам берганини айтди — бунгача у ҳам, унинг атрофидагилар ҳам ҳар доим ўзларининг заиф томонларини яшириб, “ҳаммаси аъло” дейишга ҳаракат қилган.
Ўзинининг спиртли ичимликларга қарамлиги ҳақида Бред Питт биринчи марта 2019 йилда гапирган. Ўшанда актёр интервьюларидан бирида мухлисларини ҳайратда қолдириб, “ўзига нима берилса, шуни истеъмол қилганини” айтган, шунингдек, ичкиликка ружу қўйгани оиласи билан муносабатларига салбий таъсир кўрсатгани ва ҳатто қўл кўтаришга “туртки” берганига ишора қилган.
Бу фактни Жоли 2016 йилда ажрашиш пайтида берган суд ҳужжатлари ҳам тасдиқлади — уларда Питт унга ва уларнинг болаларига қўл кўтаргани айтилган. Расмий равишда никоҳ фақат 2019 йилда бекор қилинди: актёрнинг сўзларига кўра, у болалари билан ҳалигача мулоқот қилмайди ва улар билан алоқани тиклашга уринишлар ҳеч қандай натижа бермади.
Изоҳ (0)