Ko‘pchilik turk kino yulduzlari reklama shartnomalari, seriallardagi rollari va boshqa loyihalardan katta daromad topadi. Ammo orasida shunday san’atkorlar borki, moliyaviy muvaffaqiyatlariga qaramay, dabdabali hayotga intilmaydi, hashamatli mashinalar va brend liboslar bilan maqtanmaydi. Quyida shaxsiy hayotida sodda, jamoatchilikka esa kamtarin qiyofada namoyon bo‘ladigan 10 nafar taniqli aktyor va aktrisalar haqida so‘z yuritamiz.
1. Bugra Gulsoy
“Bahor” seriali yulduzi Bugra Gulsoy o‘ta kamtar inson. Uning daromadi haqida aniq ma’lumot yo‘q, biroq ma’lumki, u sobiq rafiqasi Nilufar Gyurbyuzga oyiga 100 ming lira (2500 dollar) aliment to‘laydi.
Bugra kitob o‘qishni va hikoyalar bitishni yoqtiradi. U hech qachon boylik ortidan quvlamasligini, o‘ziga yoqqan narsa — kino va teatrda rol ijro etish bilan shug‘ullanishni afzal ko‘radi.
2. Ali Atay
“So‘nggi yoz” seriali yulduzi Ali Atay turk aktyorlari orasida unchalik ham “ideal” ko‘rinishga ega bo‘lmasa-da, o‘zining xarizmasi bilan muxlislar orttirgan. U aktrisa Hazal Kaya bilan turmush qurgan va ikki farzandning otasi. Ali oilaviy hayotda baxtli va bu baxtni ko‘z-ko‘z qilishdan yiroq turadi.
Moliyaviy ahvoli haqida esa gapirishni xush ko‘rmaydi. Tahlil saytlari daromadini 100 mingdan million liraga (2,5 million dollardan ortiq) deb baholaydi. 2024-yil boshida u reklama shartnomasi orqali 10 million lira ishlab topgani haqida xabarlar bo‘lgan. Ammo aktyor hech qachon o‘zining boyligini namoyish qilmaydi.
3. Burju Birijik
“Shisha ortidagi qiz” yulduzi Burju Birijik go‘zalligi orqali kino olamiga yo‘l topgan, iste’dodi esa unga bu sanoatda qolishiga yordam bergan. Hozirda u har bir seriya uchun 40 ming liradan ortiq daromad topadi. Filmlarda faol suratga tushadi, jurnallarda paydo bo‘ladi, reklama agentliklari bilan ishlaydi, hatto o‘zining mehmonxonasini ham ochgan.
Instagram’da u o‘zining davlatini ko‘z-ko‘z qilmaydi, oddiy kiyimdagi suratlarni tarmoqqa joylashdan qo‘rqmaydi.
4. Eda Eje
“Taqiqlangan sevgi” serialining mashhur aktrisasi Eda Eje juda katta mablag‘ ishlab topadi. Ijtimoiy tarmoqlarda bir reklama postidan 300 ming liraga yaqin (7600 dollar) daromad qiladi. 2020-yilda u 6 million liraga (150 ming dollar) hashamatli kvartira sotib olgan. Ammo ijtimoiy tarmoqlardagi suratlarda aktrisa qizi bilan kechki sayr, teatr yoki kafedagi suratlarni joylash bilan cheklanadi.
5. Gonja Vuslateri
“Leyla” melodramasi yulduzi Gonja Vuslateri daromadini yashirishni afzal ko‘radi. Shu vaqtgacha aktrisa 25 dan ortiq serialda rol o‘ynagan va har bir seriyadan yaxshi gonorar olgan. Vuslateri shaxsiy hayotini ham sir saqlaydi va qizining yuzini ko‘rsatmaydi. Ammo professional suratkashlik kadrlari bilan to‘la Instagram sahifasi orqali zamonaviy brendlar bilan hamkorlik qilayotganini ko‘rish mumkin. Uning auditoriyasi 1,7 million kishidan iborat, demak reklama postlari arzon emas.
6. Nur Fettaho‘g‘lu
“Muhtasham yuz yil” seriali yulduzi Nur Fettahog‘lu loyihadagi ishtiroki uchun 2 million dollarga yaqin daromad olgan. Serial muvaffaqiyatga erishgach, turli brendlar u bilan ko‘plab reklama shartnomalari tuzishga shoshgan. Nur katta oilada tug‘ilgan, modalar dizayni bo‘yicha o‘qigan va ilgari bankda ishlagan.
Aktrisaning Instagram sahifasi qizi Eliza bilan sayohat suratlari va reklama postlariga to‘la, ammo inson sifatida Fettaho‘g‘lu doimo oddiylik va samimiylikni saqlab qolgan.
7. Kivanch Tatlitug‘
“Oila” seriali yulduzi Kivanch Tatlitug‘ har bir seriyadan 1,5 million liragacha oladi. Uning umumiy boyligi 500 million lira (12 million dollar) ga yaqin. Instagram’da uning 5 millionga yaqin obunachisi bor, u yerda aktyor shaxsiy hayoti va ijodidan lavhalar joylashtiradi.
Kivanch ko‘chmas mulkka investitsiya qiladi: yerlar, uylar, villalar xarid qiladi. O‘g‘li Kurtga ham uy olib bergan. Kino va modellik faoliyatini davom ettiradi. Qimmat kiyim va aksessuarlarga pul sarflaydi, biroq bularni tarmoqda ko‘rsatmaydi.
8. Aras Bulut Iynemli
“Chuqur” yulduzi Aras Bulut yiliga 3–10 million dollar ishlab topadi. Boyligi 35 million lira (900 ming dollar) atrofida. U oshpazlikka qiziqadi, tabiat bag‘rida sayr qilishni xush ko‘radi, oilasi bilan ko‘proq vaqt o‘tkazadi.
Instagram’dagi suratlar esa asosan qor, o‘rmon, dengiz fonidagi go‘zal manzaralardan iborat.
9. Halit Ergench
“Muhtasham yuz yil”dagi Sulton Sulaymon obrazini gavdalantirgan Halit Ergench boyligi 5 million dollardan oshadi. Talabalik yillarida transportga ham puli yetmagan aktyor hozirda dunyoga mashhur brendlar bilan ishlaydi.
U ham shaxsiy hayotini sir tutadi va ijtimoiy tarmoqlarda oilaviy suratlarni deyarli joylashtirmaydi.
10. Ibrohim Chelikkol
“Qora-oq sevgi” seriali yulduzi Ibrohim Chelikkol har bir seriyadan 500 ming lira (12 ming dollar) gacha oladi, reklamalardan yaxshi daromad topadi. Mercedes brendining yuzi hisoblanadi. Pulining katta qismini xayriya ishlariga sarflaydi. Marmarisda yong‘inlarda, zilzilalardan keyin qutqaruv ishlarida qatnashgan. Hatto jabrlangan odamlarga o‘z uyidan joy bergan.
Izoh (0)