Sobiq turmush o‘rtoqlar sakkiz yildan beri o‘z muammolarini hal qila olishmayapti. Ularning sudlashuvlari hech qachon tugamaydiganga o‘xshardi. Biroq endi sulhga umid paydo bo‘ldi.
2024-yil oxirida Anjelina Joli va Bred Pitt 8 yillik sudlashuvlardan so‘ng rasman ajrashishdi. Eslatib o‘tamiz, aktrisa eri bilan xususiy samolyot bortidagi voqeadan keyin ajrashishga qaror qildi, uning tafsilotlari hanuzgacha aniq emas. Ammo sodir bo‘lgan voqeadan so‘ng, yulduz bir vaqtlar sevimli bo‘lgan erini spirtli ichimliklarni suiisteʼmol qilishda va o‘zi hamda bolalariga nisbatan nazorat qilib bo‘lmaydigan tajovuzkorlikda aybladi.
Pitt va Joli endi er-xotin emas, ular bir-birisiz yangi hayot boshlashi mumkindek tuyulardi. Amalda esa hammasi boshqacha. Sobiq er-xotin hali ham fransuz vino zavodi Château Miraval tufayli sudlashmoqda. Gap shundaki, Bred Anjelinaning o‘z ulushini 68 million dollarga oligarx Yuriy Sheflerga sotganidan g‘azablandi. Aktyorning taʼkidlashicha: sobiq xotini uning roziligisiz buni qilishga haqli emasdi va Joli sobiq eri mulkni “nazorat qilishni” rejalashtirganini daʼvo qilmoqda.
Juftlikning yaqinlari ularning o‘rtasidagi bu jang hech qachon tugamasligiga amin edi. Ularning so‘zlariga ko‘ra, sud jarayonlari aktrisani juda asabiylashtiradi, ammo uning taslim bo‘lishi dargumon. Biroq yaqinda hamma narsa o‘zgarishi mumkin. Manbalarning xabar berishicha, Joli Pittga sulh so‘rovi bilan murojaat qilgan, u doimiy stress tufayli jiddiy oqibatlardan xavotirda.
“Anjelina salbiy energiya o‘limga olib keladigan kasalliklarni, shu jumladan saratonni keltirib chiqarishidan qo‘rqadi. U Bredga vositachi orqali sulh so‘rab xabarlar yubordi va oilani saqlab qolishni istaydi”, dedi insayder.
Shuni taʼkidlash kerakki, Anjelina o‘z sog‘lig‘iga juda eʼtiborli. Ayniqsa, 2013-yilda shifokorlar unda ko‘krak bezi saratoni rivojlanish xavfini 87 foizga va tuxumdon saratoni xavfini 50 foizga baholaganidan keyin, yulduz oldindan harakat qilishga hamda profilaktik ikki tomonlama mastektomiya o‘tkazishga qaror qilgan. Qolaversa, uning onasi onkologiyadan vafot etgan.
“U Bred bilan janjallashish va stress o‘ziga salbiy ta’sir ko‘rsatishi mumkinligini tushundi. Shuning uchun, ularning tortishuvini to‘xtatish va butun oilasini qoniqtiradigan vino zavodi hamda vasiylik masalasida kelishib olish vaqti kelganini anglab yetdi”, dedi Anjelinaning do‘sti.
Aktrisa tashvish va stressdan butunlay xalos bo‘lishni xohlaydi va shuning uchun Amerikadan ketib, Kolumbiyada yangi hayot boshlashni rejalashtirmoqda. Biroq uning kenja farzandlari 18 yoshga to‘lmaguncha, AQSHni tark eta olmaydi. Pitt o‘z farzandlarining bunchalik uzoqqa ketishiga yo‘l qo‘ymasligi mumkin, otasining roziligisiz Noks va Viven mamlakat hududini tark eta olmaydi. Bred hali ham o‘z vorislari bilan aloqa o‘rnatishga umid qilmoqda. Ehtimol, vino zavodi uchun jang tugasa, ularning munosabatlarida ham iliqlik paydo bo‘lar.
Izoh (0)