Bred Pitt sobiq rafiqasi Anjelina Joli bilan birga tarbiyalagan ikki farzandi bilan munosabatlarini saqlab qolish yo‘llarini topa olmadi. Bu haqda The Mirror xabar bermoqda.
Maʼlumki, to‘rt farzandning uchtasi norasmiy ravishda Bred familiyasidan voz kechgan. Bolalarning otasi bilan munosabatlari yomon ko‘rinadi: ularning o‘g‘li Meddoks 2016-yil xususiy samolyotda aktyor bilan jismoniy mojaroga kirishgan. Undan ota-onasi bilan munosabatlari haqida so‘rashganda, u 2019-yil Touch Weekly nashriga bergan intervyusida shunday dedi: “Nima bo‘lishidan qatʼi nazar, bu o‘z-o‘zidan sodir bo‘ladi.”
Aktyorga yaqin bo‘lgan manba bolalar bilan buzilgan munosabatlar uchun javobgarlikni Anjelinaga yuklaydi va shunday deydi: “Endi ular o‘z tanlovlarini qilish uchun yetarlicha ulg‘aydi va agar bu ota-onaning janjali bilan bog‘liq bo‘lsa, bu ularning aybi. Bred maslahat berish uchun ularning yonida bo‘lgan bo‘lardi, lekin u buni qila olmaydi, chunki hozirda ular bilan aloqasi uzilgan”.
Biroq Anjelina Joliga yaqin bo‘lgan insayder Bred Pitt “qurbon rolini” o‘ynashda davom etayotganini taʼkidlab, shunday dedi: “Uning bolalari bilan uzilgan aloqalari ularga bo‘lgan munosabatning bevosita natijasidir. U boshqalarni ayblashni bas qilishi kerak, agar bolalar bilan munosabatlarni tiklamoqchi bo‘lsa, o‘z harakatlarini tan olishi va aybini yuvishi kerak.”
Eslatib o‘tamiz, Gollivudning eng mashhur juftliklaridan biri bo‘lgan 61 yoshli aktyor va 50 yoshli Joli 2014-yilda 2005-yilda “Janob Smit va Smit xonim” filmining suratga olish jarayonida boshlangan ishq-muhabbatdan so‘ng turmush qurgan edi. Juftlikning olti nafar farzandi bor: 23 yoshli Meddoks, 21 yoshli Paks, 20 yoshli Zaxara, 19 yoshli Shaylo va 16 yoshli egizaklar Noks va Vivien. Juftlik 2016-yildan buyon birga yashamas edi, 2024-yilda esa ular rasmiy ajrashdi.
Izoh (0)