Urganch shahar prokuraturasi tergovchisi qamoqqa olinishi, pensiyaga chiqish yoshini oshirish tavsiya qilinishi, Toshkent metropoliteni tirbandliklar bo‘yicha e‘tirozlarga munosabat bildirishi — “Daryo” nashri 25-iyunda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
O‘zbekistonliklar qurilish, logistika, tibbiy xizmatlar bo‘yicha Shvetsiyaga ishga yuboriladi
Ikki davlat o‘rtasida migratsiya sohasidagi muhim kelishuv imzolandi.
O‘zbekistonda banklarni sanatsiya qilish va tugatish tartibi belgilandi
Bu boradagi munosabatlarni tartibga soluvchi qonun qabul qilindi.
Urganch shahar prokuraturasi tergovchisi qamoqqa olindi
U firibgarlikda gumonlanib, jinoyat ishi qo‘zg‘atildi.
O‘zbekiston va Mo‘g‘uliston rahbarlari an’anaviy mo‘g‘ul bellashuvlarini tomosha qildi (foto)
Shavkat Mirziyoyev va Uxnaagiyn Xurelsux rafiqalari bilan birga “Ix Tenger” davlat majmuasi bog‘ida daraxt ham ekdi.
Muammoli kreditlar, shaffof bo‘lmagan amaliyotlar va davlat nazoratining yuqoriligi: O‘zbekiston moliyaviy sektori barqarorligi tahlili
Xalqaro valyuta jamg‘armasi Jahon banki bilan hamkorlikda O‘zbekistonda ilk bor Moliyaviy sektor baholash dasturi natijalarini e’lon qildi.
O‘zbekistonda ayrim tovarlarga import bojini ikki karra oshirib qo‘llash bekor qilinadi
Senat bu ko‘zda tutilgan qonunni ma’qulladi.
Shavkat Mirziyoyevning Mo‘g‘ulistonga tashrifi yakunlandi
Bu prezidentning ushbu mamlakatga ilk tashrifi bo‘ldi va ikki davlat munosabatlarida yangi bosqichni boshlab berdi.
O‘zbekistonda pensiyaga chiqish yoshini oshirish tavsiya qilindi
Tahlilga ko‘ra, pensiya miqdorini inflyatsiya darajasida avtomatik ko‘tarish ham muhim.
O‘zbekistonda davlat banklari samarasiz ishlayotgani muammoli kreditlar oshishiga olib kelmoqda — XVJ
Tahlil qilinishicha, davlat banklari kreditlarni bozor stavkalaridan past narxda va hukumat kafolati ostida beradi. Shu sabab kredit sifati pasayib, kapital yetishmovchiligi yuzaga keladi.
Toshkent metropoliteni tirbandliklar bo‘yicha e’tirozlarga munosabat bildirdi
Ijtimoiy tarmoqlarda metro qatnovi orasi cho‘zilgani, odam nihoyatda ko‘pligi haqida xabarlar tarqalgandi.
Jahon banki O‘zbekistonda kichik gidroenergetikani rivojlantirishga 150 mln dollar ajratadi
Bu imtiyozli kredit bo‘lib, elektr ta’minotini oshirishga qaratilgan loyihalarga yo‘naltiriladi.
To‘rt oyda O‘zbekistonga qancha xorij fuqarolari kelgani ochiqlandi
Ko‘rsatkich o‘tgan yilning mos davri bilan solishtirilganda qariyb 1 mln nafarga oshgan.
XVJ: O‘zbekistonda samarasiz bojxona imtiyozlari bekor qilinsa, iqtisodiy o‘sish 3,2 foizgacha oshadi
Qayd etilishicha, yuqori daromadli jismoniy shaxslar ko‘proq soliq to‘laydigan tizim yaratish muhim. Baʼzi aksiz soliqlar oshirilishi va ayrim imtiyozlar bekor qilinishi ham tushumlarni sezilarli ko‘paytiradi.
Toshkentda hovuzdagi baliqni qo‘liga ushlab olgan shaxs o‘ziga eʼtiroz bildirgan ayolga so‘kindi
Holat yuzasidan ma’muriy bayonnoma rasmiylashtirilib, hujjatlar sudga yuborildi.
Andijonda 2,5 gektar yerni turar joy toifasiga o‘zgartirib berish uchun 44 ming dollar talab qilgan shaxs ushlandi
Holat yuzasidan jinoyat ishi qo‘zg‘atilib, tergov harakatlari olib borishga kirishilgan.
“Hukumat moliyaviy sektorda asosiy rol o‘ynayotgani yomon”. XVJ O‘zbekiston iqtisodiy siyosatini tahlil qildi
Prognozga ko‘ra, yillik o‘rtacha inflyatsiya darajasi 2028-yilga borib 5 foizga tushadi. Buning uchun hukumat qatʼiy pul-kredit siyosati olib borishi va byudjet intizomini ta’minlashi zarur.
Toshkentda ko‘plab avtobus yo‘nalishlarining qatnov yo‘li vaqtincha o‘zgartirildi
Bunga ham yo‘l ta’mirlash ishlari olib borilayotgani sabab bo‘ladi.
Otasi tomondan O‘zbekistonga olib kelinib, onasi bilan muloqot qildirilmagan 3 yoshli qiz Rossiyaga qaytarildi
Ota qizini 2024-yil oktyabrgacha ruxsat asosida olib kelib, o‘zi o‘tgan yilning o‘zida ishlash uchun Rossiyaga qaytgan.
Izoh (0)