Shov-shuvli sud ishlari va ajrim voqealaridan keyin aktyor Bred Pitt birinchi marta sobiq turmush o‘rtog‘i Anjelina Joli bilan bog‘lanib, farzandlar uchun yana murosaga kelishga intilmoqda. Bu haqda Korrespondent xabar berdi.
Radar Online nashri ma’lumotlariga ko‘ra, qisqa vaqt ichida ikki marta yo‘l-transport hodisasiga uchragan o‘g‘li Paks bilan bog‘liq vaziyat Pittni xavotirga solmoqda. U farzandiga ham ota, ham onaning mehri va qo‘llab-quvvatlashi birdek muhim ekanini qayd etgan:
“Bred farzandlarining hayotiga qaytishni istaydi va Paksning salomatligidan juda xavotirda. Shuning uchun u Anjelina bilan bog‘landi. Agar Paks shunday holatda ulov minishda davom etaversa, jiddiy avtofalokatga tushib qolishidan xavotirda”, dedi insayder.
Ma’lumotlarga ko‘ra, Pitt hali ham Jolidan ranjigan, chunki aktrisa unga bolalar tarbiyasida faol ishtirok etishga ruxsat bermayapti. Bred esa barcha ko‘ngilsiz holatlarga qaramay, birgalikda bolalarga g‘amxo‘rlik qilish har tomonlama foydali bo‘lishiga ishonadi.
Foto: Newsweek
“Bred Pittning fikricha, agar aktyorga qo‘shma vasiylik berilganida edi, vaziyat boshqacha tus olar edi. Paksning o‘smirlik yillari otasidan uzoqda o‘tdi. Bu davr o‘g‘il bolaning yigitlik paytiga o‘tishida muhim ahamiyat kasb etadi. Paksning hayotida kuchli erkak namunasi kerak edi, lekin Bredga bu rolni bajarishga ruxsat berilmagan. Bu uning g‘azabini keltiradi”, deya qo‘shimcha qiladi insayder.
Ma’lumot uchun, 2019-yilda Anjelina Joli va Bred Pitt rasman ajrashdi. Sobiq juftlikning olti nafar farzandi bor. Ular farzandlari Meddoks, Paks Tyen va Zaxarani asrab olgan. Shaylo, egizaklar Noks va Vivyen esa juftlikning biologik farzandi hisoblanadi. “Men Bred Pitt bilan oilam farovonligi uchun ajrashdim. Bu to‘g‘ri qaror edi. Bugungi kungacha bolalarimning tinch hayot kechirishiga e’tibor qaratmoqdaman”, degan edi aktrisa.
Izoh (0)