Amerika Qo‘shma Shtatlar ma’muriyati noqonuniy muhojirlarni “xavfli mamlakatlar”ga chiqarib yuborishga intilmoqda. Bu haqda The Intercept portali xabar bermoqda.
Portalning ta’kidlashicha, Vashington chiqarib yuborish uchun ataylab “xavfli joylar”ni izlamoqda. Bu tobora migrantlarni uzoq va ko‘pincha juda xavfli mamlakatlarga jo‘natish tahdidi bilan qo‘rqitishga o‘xshab qolmoqda.
Ma’lumotlarga ko‘ra, AQSHning Kubadagi Guantanamo bazasidagi qamoqxonalardan foydalanish bilan bir qatorda, AQSH prezidenti Donald Tramp ma’muriyati “kelib chiqish mamlakatidan qat’i nazar, chiqarib yuborilganlarni saqlash uchun uzoqroq joylarni topishga urinmoqda”.
Taxminlarga ko‘ra, AQSH 19 ta davlat bilan “shartnoma tuzish imkoniyatini ko‘rib chiqqan, tuzishga uringan yoki tuzgan”. Ular orasida Angola, Benin, Gonduras, Liviya, Meksika, Moldova, Mo‘g‘uliston, Ruanda, O‘zbekiston va Ukraina bor.
Portal manbasining aytishicha, hukumat vakillari yaqin haftalar ichida chiqarib yuborish reyslarini sezilarli darajada ko‘paytirishni rejalashtirmoqda.
Davlat departamenti portalga “ommaviy va noqonuniy migratsiya inqiroziga barham berish uchun AQSH hamkorlari va mintaqaviy yetakchilar bilan yaqindan hamkorlik qilayotgani”ni ma’lum qilgan. Shu bilan birga, ular muayyan davlatlar bilan diplomatik aloqalar haqida izoh berishdan bosh tortgan.
Izoh (0)