Germaniya professional futbolchilar uyushmasi “Bavariya” hujumchisi Robert Levandovskini 2020/21-yilgi mavsumning eng yaxshi futbolchisi deb e’tirof etdi.
So‘rovnomada Bundesliganing o‘tgan mavsumida 41 ta gol urgan polshalik futbolchi 75,9% ovoz to‘pladi. Robert ushbu sovrinni beshinchi marta qo‘lga kiritdi.
Ikkinchi o‘rinni “Borussiya D” hujumchisi Erling Holland (7,1%) egalladi, kuchli uchlikka esa “Bavariya” hujumkor yarim himoyachisi Tomas Myuller (3,5%) yakun yasab berdi.
Mavsumning eng yaxshi yosh o‘yinchisi sovriniga “Borussiya D” yarim himoyachisi Jud Bellinghem (24,1%) ega chiqdi. U bu yo‘lda “Bavariya” vakili Jamol Musialani ortda qoldirdi (19,9%).
Mavsumning eng yaxshi murabbiyiga topshiriladigan sovrinni “Ayntraxt” bosh murabbiyi Adi Hyutter (34,0%) qo‘lga kiritgan bo‘lsa, “Bavariya” boshqaruvidan ketgan Hans-Diter Flik 29,1% foiz ovoz to‘pladi.
Tashkilot talqiniga ko‘ra mavsum ramziy terma jamoasi:
Darvozabon: Manuel Noyer (“Bavariya”).
Himoyachilar: Alfonso Devis, David Alaba (ikkisi – “Bavariya”), Dayo Upamekano (“Leypsig”), Mats Hummels (“Borussiya D”);
Yarim himoyachilar: Filip Kostich (“Ayntraxt”), Tomas Myuller, Yozua Kimmix, Leon Goretska (barchasi – “Bavariya”);
Hujumchilar: Robert Levandovski (“Bavariya”), Erling Holand (“Borussiya D”).
Izoh (0)