Kataloniyaning “Barselona” klubi “Liverpul” hujumchisi Luis Dias transferidan voz kechdi. Bu haqda Euro-Football nashri xabar bermoqda.
Manbaga ko‘ra, 28 yoshli futbolchi bir necha yildan beri kataloniyaliklarning “short-listi”da bo‘lib turibdi, biroq uning transfer narxi kelishuvni amalga oshirishga to‘sqinlik qilmoqda.
Marca’ning xabar berishicha, bu safar ham vaziyat o‘zgarmagan: “Liverpul” hujumchi uchun kamida 75 million yevro talab qilmoqda, “Barselona” esa bu miqdorni to‘lashga tayyor emas. Chunki klub kolumbiyalik futbolchi xaridini shoshilinch emas deb hisoblayapti. Bundan tashqari, bosh murabbiy Hansi-Diter Flik ham hujumchini tarkibga qo‘shish tarafdori emasligini bildirgan.
“Liverpul” rahbariyati futbolchini ketishiga qarshi emas. Agar xaridor jamoa Dias uchun belgilangan summani to‘lasa, mersisaydliklar rahbariyati uni sotib yuborishga tayyor.
Ma’lumot uchun, Luis Dias joriy mavsumda “Liverpul”ning barcha turnirlar doirasidagi 42 o‘yinda maydonga tushib, 13 gol va 7 golli uzatma muallifiga aylangan. Futbolchining klub bilan shartnomasi 2027-yilga qadar amal qiladi.
Izoh (0)