FIFA The Best—2021 sovriniga nomzod futbolchilar ro‘yxatini e’lon qildi.
Unga ko‘ra, ro‘yxatdan Karim Benzema (“Real”), Kevin de Bryuyne (“Manchester Siti”), Krishtianu Ronaldu (“Manchester Yunayted”), Erling Holand (“Borussiya D”), Jorjinyo, Ngolo Kante (“Chelsi”), Robert Levandovski (“Bavariya”), Kilian Mbappe, Lionel Messi, Neymar (uchalasi “PSJ”) va Muhammad Saloh (“Liverpul”) o‘rin olgan.
Tashkilot, shuningdek, 2021-yilning eng yaxshi murabbiyi nominatsiyasiga da’vogarlik qilayotgan mutaxassislar nomini ham ma’lum qildi. Bular: Antonio Konte (“Tottenhem”), Hans-Diter Flik (Germaniya), Xosep Gvardiola (“Manchester Siti”), Roberto Manchini (Italiya), Lionel Skaloni (Argentina), Diyego Simeone (“Atletiko”) va Tomas Tuxel (“Chelsi”).
Alisson (“Liverpul”), Janluiji Donnarumma (“PSJ”), Eduard Mendi (“Chelsi”), Manuel Noyer (“Bavariya”) va Kasper Shmeyxel (“Lester”) esa yilning eng darvozaboni nomi uchun kurash olib boradi.
Mazkur ro‘yxatlar sobiq futbolchilardan tashkil topgan ekspertlar guruhi tomonidan aniqlangan.
Nominatsiyalar bo‘yicha g‘oliblar 2021-yilning 22-noyabridan 10-dekabrigacha bo‘lgan muddatda ovoz berish jarayonida aniqlanadi. Taqdirlash marosimi esa 2022-yil 17-yanvarida bo‘lib o‘tadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)