“Barselona” futbolchilari Lamin Yamal va Gavi klub rahbariyatidan “Atletik” yarim himoyachisi Niko Uilyamsni sotib olishni so‘radi. Bu haqida El Nacional nashriga tayanib Sport-Express xabar bermoqda.
Manbaga ko‘ra, “ko‘k-anorranglilar” bosh murabbiyi Hansi Flik ham 22 yoshli futbolchining jamoaga qo‘shilishiga ijobiy fikr bildirgan. Niko o‘tgan mavsum “Barselona” safiga o‘tishi haqida xabar qilingan edi, ammo klubning moliyaviy holati sabab transfer amalga oshmadi.
Shuningdek, “Chelsi” ham Uilyams transferi bo‘yicha muzokaralar olib borayotgani haqida OAVda xabarlar tarqaldi. Futbolchining shartnomasida uning tovon puli 58 million yevro etib ko‘rsatilgan. Ammo Bilbao klubi o‘z yetakchisini ushbu summaga qo‘yib yuborishni istamayapti.
Joriy mavsumda ispaniyalik vinger barcha turnirlarda 37 o‘yinda maydonga tushib, 9 ta gol va 7 ta golli uzatma muallifiga aylandi. Uning “Atletik” bilan shartnomasi 2027-yil yoziga qadar amal qiladi.
Izoh (0)