“Барселона” бош мураббийи Ҳанси-Дитер Флик каталонияликлар ҳужумчиси Роберт Левандовскини “Ан-Насср” сафида тўп сураётган Криштиану Роналду билан солиштирди. Бу ҳақда Goal нашри хабар бермоқда.
Немис мутахассисининг фикрича, Робертнинг танаси худди Роналдуникига ўхшаш:
Бу ёшда шундай даражада ўйнаш ақлга сиғмайди. Бу бир томондан жисмоний ҳолатга, бошқа томондан эса ўзига қандай ғамхўрлик қилишга боғлиқ. Унинг танаси худди Роналдуники каби ажойиб. Роберт — ҳақиқий профессионал. У керакли натижага эришиш учун барча нарсани назорат қилади, деди Флик.
Жорий мавсумда Левандовски барча мусобақаларда 46 та ўйинда майдонга тушиб, 40 та гол урди ҳамда 3 та голли узатма берди. Унинг клуб билан амалдаги шартномаси 2026 йил ёзигача мўлжалланган. Transfermarkt порталига кўра, футболчининг ҳозирги қиймати 15 миллион еврони ташкил этади.
Изоҳ (0)