Futbol bo‘yicha O‘zbekiston Superligasining 5-turidan o‘rin olgan qoldirilgan uchrashuv 11-aprel, juma kuni bo‘lib o‘tdi.
Unda Muborakning “Mashʼal” jamoasi Olmaliqda Farg‘onaning “Neftchi”sini qabul qildi. Uchrashuv tezkor gol bilan boshlandi. Bilolxon Toshmirzayev 6-daqiqada hisobni ochdi. Bo‘lim yakuniga yetayotgan pallada esa Jamshid Iskanderov hisobni ikkitaga oshirdi. Bosh hakam tomonidan birinchi bo‘limga qo‘shib berilgan daqiqalar o‘tayotgan pallada Sardor Abduraimov gol urib, hisobni qisqartirdi.
Ikkinchi bo‘lim esa yanada faol boshlandi. 58-daqiqada Yovan Jokich hisobni oshirgan bo‘lsa, 90-daqiqada Anvarjon G‘ofurov o‘yinga nuqta qo‘yib beruvchi golga mualliflik qildi.
Shunday qilib, ushbu g‘alaba “Neftchi” uchun ushbu mavsumdagi ikkinchisi bo‘ldi. Farg‘onaliklar 9 ochko bilan 3-o‘ringa ko‘tarildi. Muborakliklar esa 3 ochko bilan 15-pog‘onani egallab turibdi.
Superliga
5-tur
11-aprel, juma
“Mashʼal” — “Neftchi” 1:4
Gollar: 0:1 — 6, Bilolxon Toshmirzayev, 0:2 — 43, Jamshid Iskanderov, 1:2 — 45+3, Sardor Abduraimov, 1:3 — 58, Yovan Jokich, 1:4 — 90, Anvarjon G‘ofurov.
“Mashʼal” – To‘xtaboyev (Hamroyev, 46), Salifu, Abdualimov, Abduraimov, G‘anixonov (Baratov, 62), Aliqulov, Murodov (No‘’monov, 46), Mamatxo‘jayev, Ismoilov, Norbekov (Murtozoyev, 54), Fayziyev.
“Neftchi” – Ergashev, Yo‘ldoshev, Ismoilov, Iskanderov, Boltaboyev (Aliboyev, 90+2), G‘ofurov, Ubaydullayev, Jokich, Marushich (Tabatadze, 66), Sayfiyev, Toshmirzayev.
Ogohlantirishlar: Mamatxo‘jayev 45+2, Salifu 51, Boltaboyev 68.
Izoh (0)