O‘zbekiston Kubogi. “Surxon” penaltilar seriyasida “Metallurg”ni mag‘lub etdi, “Andijon” safarda “Olimpik”dan ustun keldi

Futbol bo‘yicha O‘zbekiston Kubogi nimchorak finalidan o‘rin olgan ikki o‘yin 4-iyul, payshanba kuni bo‘lib o‘tdi.

Toshkentda “Olimpik” “Andijon”ni qabul qildi va 0:1 hisobida imkoniyatni boy berdi. Andijonliklar safida Rustam Turdimurodov yagona gol muallifiga aylandi.

“Surxon” esa “Metallurg”ga qarshi bahs olib bordi. Uchrashuvning 34-daqiqasida Kamron Saidazimov “Surxon”ni hisobda oldinga olib chiqdi. 66-daqiqada esa Sirojiddin Qo‘ziyev muvozanatni tikladi. Asosiy bo‘limlar durang natija bilan yakunlandi, penaltilar seriyasida esa “Surxon” 7:6 hisobida zafar quchdi.

Eslatib o‘tamiz, “Xorazm” “Olimpik Mobiuz” jamoasini 2:1 hisobida yengib, “Qizilqum” esa “Mash’al”ni 3:1 hisobida mag‘lub etib, chorak final yo‘llanmasini qo‘lga kiritgan edi.

Shuningdek, 5-iyul kuni “Navbahor” — “Buxoro”, “Bunyodkor” — “Qiziriq” bahslari bo‘lib o‘tadi. 6-iyul sanasida esa “So‘g‘diyona” — “Neftchi”, “Aral” — “Paxtakor” klublari chorak final yo‘llanmasi uchun kurash olib boradi.

O‘zbekiston Kubogi

Nimchorak final

4-iyul, payshanba

“Olimpik” – “Andijon” 0:1

Gol: Rustam Turdimurodov, 30 (0:1).

“Olimpik”: 99. Edem Nemanov, 8. Nodir Abdixoliqov, 9. Asad Jo‘raboyev, 11. Otabek Jo‘raqo‘ziyev, 15. Muhsin Bozorov (64. Samandar Qodirov, 64) 16. Rian Islamov (10. Farruh Muxtorov, 64), 18. Akbar Abdirasulov, 19. Ahmadillo Muqumjonov, 21. Muhammadaziz Ibrohimov, 22. Shahzod Toirov, 70. Muhammadbobir Mo‘ydinov.

“Andijon”: 1. Eldor Adhamov, 5. Abdulvohid G‘ulomov, 7. Sherzod Esanov (26. Muhammadkarim Toirov, 67), 9. Levan Arveladze, 10. Ilhomjon Abdug‘aniyev (Sunnatillo Abdullajonov, 81) 13. Sardorbek Azimov  (19. Suhrob Berdiyev, 81), 14. Abdurahmon Komilov, 15. Vladimir Bubanya, 28. Islomjon Mamatkazin, 71. Bektemir Abdumannonov (99. Shahrom Samiyev, 67) 77. Rustamjon Turdimurodov (66. Ilhomjon Alijonov, 88).

Ogohlantirishlar: Ahmadillo Muqimjonov (23), Levan Arveladze (47), Vladimir Bubanya (58).

“Metallurg” – “Surxon” 1:1

Gollar: Kamron Saidazimov, 34 (0:1), Sirojiddin Qo'ziyev, 66 (1:1)

Penaltilar seriyasi — 6:7.

“Metallurg”: 87. Akmal Ortiqov, 14. Abror Toshqo‘ziyev, 15. Abbos Otaxonov, 33. Ivan Yosovich,  20. Mirg‘iyos Sulaymonov,  4. Kerim Palich, 22. Shahzodbek G‘ofurbekov, 88. Sirojiddin Qo‘ziyev, 7. Sardor Abduraimov (21. Hazratjon Tursunqulov 106),  31. Mirko Milichkovich, 11. Daler Sharipov.

“Surxon”: 16. Dilshod Yo‘ldoshev, 6. Behzod Shamsiyev, 7. Dostonbek Tursunov, 8. Humoyun Sherbo‘tayev, 9. Ulug‘bek Hoshimov, 2. Bobirjon Asqarov, 15. Diyor Ramozonov, 17. Jahongir Abdusalomov, 27. Asilbek Jumayev, 66. Behruz Shaydulov, 99. Komron Saydazimov (11. Abdug‘afur Haydarov, 81).

Ogohlantirish: Abror Toshqo‘ziyev (52), Dostonbek Tursunov (89), Abdug‘afur Haydarov (96).

Chetlatish: Toshqo‘ziyev (90+6).